ہری پور۔ 18 مارچ(اے پی پی) بنجائی وزیر توانائی عمر ایوب خان پارینے کہ ہر ٹاسفارم آ بجلی دُزی ءِ ہلوک ءُ میٹر اس خلینہ ، بجلی کمتی ءِ پورو کننگ کن تاجکستان آن بجلی ہلنگ تون اوار اوار تینا پیدوار اٹی ہم ودکی کینہ، ہر پور اٹی بجلی و گیس انا ڈٹ آتا جال اس تالان کینہ۔ او دوشنبے نادے آ کھدو پنجو ٹی مسکوہی ناظم سریا جاوید خان نا کنڈآن اڈ ہلوک آ جلسہ غان تران کریکہ۔ داوخت آ چیئرمین ڈیڈک باسک صوبائی اسمبلی ارشد ایوب خان ہم ساڑی ئس۔ داکان مست زرین ، جاوید اقبال سریا و ایلوفک ہم دودآن تران کریر و منگ آن اسلام پور کھدوروڈ، سوکاپول انا جوڑکننگ، کھدوپنجو کن قبرستان نا ڈغار، گلی تے پکا کننگ، بجلی و کھمبہ تننگ، کم وولٹیج نا ویل ءِ ایسر کننگ، گرلز اسکول نا اپ گریڈیشن و منگ یونیورسٹی ٹی بھرتی تیٹی کوٹہ اس جتا کننگ و آبنوشی اسکیم نا خواست کریر۔ عمر ایوب خان غٹ خواست آتے پورو کننگ نا پڑو ءِ کرسا پارے کہ ہری پور اٹی ٹاسفارم و پول انا فراوانی و پوسکن ءُ فیڈر و گریڈ اسٹیشن اس جوڑکرسا بروک آ پنجا سال اکن بجلی نا ویل آتے ایسر کینہ، ہنداوڑ سروے ءِ پورو کننگ آن پد گیس انافراوانی نا منظوری ءِ ہم ہلکونن۔ نوردی آن منگ ترناوہ غان سراہدنہ و نجف پور دارتیاں وخت اس کہ دوڑپار کلنجراسکان گیس ءِ دینہ۔ بجلی دُزی نا بابت اوپارے کہ ملک اٹی 8 لکھ 60 ہزار ٹاسفارم ءُ ، ہرٹاسفارم آ ہندن ءُ میٹر اس خلنگک ہرا بجلی دُز انا پیدواری ءِ کیک۔ اوپارے کہ چیئرمین این ایچ اے تون ہیت مسنے، چچیاں غان پنیاں چوک اسکان و جولیاں آن جنڈیال اسکان خان پور روڈ انا پورو ی و پول آتا جوڑ جاڑ آن بیدس ریلوے پھاٹک آ اوور ہیڈ برج اتون اوار پین برج آتے ہم جوڑ کننگک۔
