اسلام آباد ۔ 17 مارچ (اے پی پی) ڈپٹی سپکر قومی اسمبلی قاسم خان سوریءَ گوشت کہ ناشرکار انسانیت ءِ دژمن انت ءُُ ایشانی کجام مذہب ءُُ رنگ ءَ گوں ہچ سیادی نیست انت۔آہاں اے گپ پیسریگیں روچ ءَ نیوزی لینڈ ءِ تہ مسیت آنی سرا بوتگیں ناشرکاری اُرشانی تہ شہید بوتگیں ایبٹ آباد ءِ نندوک نعیم راشد ءِ برات ڈاکٹر خورشید عالم ءَ را ٹیلیفون کنان ءَ آہاں گوں دلپدردی کتگ۔آہاں نعیم راشد شہید ءِ دلیری ءَ را ستا پیش کنان ءَ دراھیں راج ءَ را نعیم راشد ءِ دلیری ءِ سرا پکر انت آہاں دگہ مردمانی جان رکھگ ءِ ھاترا ناشرکاری ءِ مقابلہ دلیری ءَ گوں کنان ءَ جام شہادت نوش کتگ۔ ڈپٹی سپیکر ءَ گوشت کہ اگہ نعیم راشد شہید اُرش کنوکاں را نہ داشت تو جانی تاوان گیش بوت ات۔آہاں ناشرکاری ءِ اے لگوریں واکیہ ءِ ترندیں لبزاں ایر جنان ءَ گوشت کہ ناشرکارانسانیت ءِ دژمن انت ءُُ ایشانی ہچ مذہب ءُُ نسل نیست انت۔آہاں حکومت ءَ را نعیم راشد شہید ءَ را 23مارچ ءَ یوم پاکستان ءِ موہ ءِ سرا دلیری ءِ داد دیگ ءِ ھاترا گوشتگ ءُُ آہاں ملوریں ھاندان ء گوں دلپدردی ءِ درشان کنان ءَ گوشت کہ دراھیں راج آہانی گم ءِ بروبر ءِ شریدار انت۔
