اسلام آباد ۔ 17 مارچ (اے پی پی)دری کارانی بنجاہی وزیر شاہ محمود قریشی ءَ گوشت کہ نیوزی لینڈ ءِ تہ دو مسیت آنی سرا آسٹریلوی ناشرکارءِ اُرش ءِ سرا دراھیں راج اپسردہ انت، سوگ ءِ تہ مروچی( دوشمبے) ءَ راجی بیرک جہل بیت۔آسٹریلوی دری کارانی وزیر ءَ ٹیلی فون ءِ سرا وائیل ءِ باروا اپسوز کتگ، ترکی ءِ دری کارانی وزیر ءِ گوما دورند ءَ گپ بوتگ،اوآئی سی وزراء خارجہ دیوان لوٹارینگ ءِ سرا تپاکی بوتگ۔اے دیوان 22 مارچ ءَ استنبول ءِ تہ بیت ایشی ءِ تہ پاکستان ءِ تہ ھم بھرزوری کن ایت۔اے ھیالانی درشان دری کارانی وزیر شاہ محمود قریشی ءَ یک شمبے ءَ ادا میڈیا بریفنگ ءِ تہ کتگ انت،اے درگت ءَ دری کارانی کارگس ءِ ربالکار ڈاکٹر فیصل ھم آہاں گوں ہمبراہ ات۔دری کارانی وزیر ءَ گوشت کہ نیوزی لینڈ واکیہ ءِ6ھانداناں کل ءُُ کسارت کرائسٹ چرچ ءِ تہ کنائینگ ءِ گوشتگ ہمہ کہ ھاندان جوناں را واتر لوٹائینگ ءِ گوش انت آہاں راہر ممکن آسراتی پھجارگ بنت۔ پاکستانی سفارتخانہ ءُُ واکدار آہاں گوں یکشل ءَ رابطہ انت ۔جونانی پجار بوتگ انت ۔مروچی جون وارژانی ھوالہ ءَ کنگ بنت۔آہاں گوشت کہ پلوامہ واکیہ ءِ پدا ودی بوتگیں جاورھال ءُُ نیشنل ایکشن پلان ءِ سرا وڈ ءُُ پیم ءِ ھوالہ ءَ چہ دراھیں حکومتی ءُُ اپوزیشن ءِ گلانی راھشون ءَ را مروچی نمدی نبشتہ کنگ اوں،آصف علی زرداری ءُُ قائد ہزب احتلاف شہباز شریف ءَ راجی سلامتی ءِ ھاسیں جیڈھ ءِ سرا شریں پسو داتگ انت،دراھیں پارلیمانی راھشونانی دیوان 28مارچ ءِ بیگاھ4بج ءِ ساعت ءَ پارلیمنٹ ہاوس ءِ تہ برجم بیت۔
