اسلام آباد ۔ 17 مارچ (اے پی پی)ریلوے ءِ بنجاہی وزیرشیخ رشید ءَ بلوچستان ءِ دمگ نصیرآباد ءِ تہ جعفرایکسپریس تراک ءِ ایر جنان ءَ کیمتی انسانی جانانی تاوان ءِ سرا اپسوز ءِ درشان کتگ۔وئیل ءِ تہ چار مردم بیران بوھگ ءِ حال انت۔یک شمبے ءَ جاڑی وتی بیان ءِ تہ شیخ رشید احمد ءَ گوشت کہ بنداتی حالانی ردا اے اپسوزناک واکیہ ءِ تہ 4مردم بیران ءُُ لہتیں ٹپی بوتگ ات۔آہاں گوشت کہ تراک ءِ جاگہ ءَ رلیف آپریشن جاڑی انت آہانی تہ پاکستان ریلوے ءِ عملہ ءُُ دگہ ادارگہ بھرزوری کن انت۔آہاں گوشت کہ ریاست ناشرکاراں گوں ترندی ءَ دیم دات ءُُ کسے ءِ گوما نرمی کنگ مہ بیت۔آہاں گوشت کہ ٹرین ءُُ مسافران نشان جوڈ کنگ ناشرکاراں را باز لگوریں گام انت ءُُ آں سہلیں ٹارگٹ جوڈ کنگ انت۔شیخ رشید احمدءَ گوشت کہ ناشرکاری ءِ واکیہ چہ رکھگ ءِ ھاترا ریاستی ادارگءَ گوں ھواری ءَ ٹریک پٹرولنگ ءَ را گہتر کنگ بیت۔
