اسلام آباد۔ 04مئی (اے پی پی) وزیراعلیٰ بلوچستان نواب ثناءاللہ خان زہری پارینے کہ چین پاکستان اقتصادی راہداری ڈٹ بلوچستان و خیبر پختونخواہ کن گیم چینجر اسے، سی پیک نا تحت بلوچستان اٹی شش اقتصادی زون اڈتننگک۔ ڈٹ انا سویلی روٹ آ کاریم سرسہبی اٹ جاری ئِ۔ داخیال آتا درشانی ئِ او چارشنبے آ پارلیمنٹ ہاﺅس اٹی سی پیک نا بابت اڈ تروک آ خصوصی پارلیمانی کمیٹی نا دیوان نا وخت آ تینا تران اٹی کرے۔ وزیراعلیٰ بلوچستان پارے کہ گوادرزوت اسہ پوسکن ئُ صنعتی شار اس جوڑ مریک ہراڑآن بلوچستان و ڈیہہ نا الس انا زند آتے ٹی بدلی بریک۔ اوپارے کہ بنجائی و صوبائی حکومت بلوچستان نا الس ئِ ہرلحاظ اٹ دا قابل جوڑ کننگ نا تہیہ کرینے کہ او زند انا غٹ بشخ آتے ٹی تینا حقی لائخی تے پوروی وڑاٹ کاریم اٹ اتنگ مرے۔
