کراچی۔ 16 مارچ (اے پی پی) صدر مملکت ڈاکٹر عارف علوی ءَ گوشت کہ پاکستان ءِ تہ کرکٹ ءِ سرجم بحالی ءَ لوٹگ اوں،پاکستان یک پرامنیں ملک انت ،باندات ءَ ھم کرکٹ میچ بنت ،درملکی لیئبی آنی پاکستان ءَ آھگ ءِ سرا منت واراں۔اے ھیالانی دراشان آہاں ھپتگ ءَ گورنر ہاؤس ءِ تہ پی ایس ایل فورءِ فائنل ٹیمبانی شرپ ءَ وش اتکی مراگش ءَ گوں گشتانک دیان ءَ گوشتگ انت۔صدر مملکتءَ گوشت کہ خطہ ءِ مردماں را کرکٹ چارگ ءِ باز شوق ءُُ جوزگ انت۔آہاں گوشت کہ پاکستان ءِ تہ کرکٹ ءِ سرجمیں بحالی ءِ واھگداراوں،پاکستان یک پُرامنیں ملک انت ،باندات ءَ ھم میچ بنت۔آہاں گوشت کہ پی ایس ایل فو ر ءِ بندءُُ بوج ءِ سرا آرگنائیزر ءَ را مرادبات پیش کناں،درملکی لیبی آنی پاکستان ءَ آھگ ءَ منت واراں۔صد ر مملکت ءَ پی ایس ایل فور ءِ فائنلءِ لیئبئی ءَ را سندھی اجرک ءُُ ٹوپ کنائینتگ انت۔ پاکستان سپر لیگ فور ءِ فائنل( مروچی)یک شمبے ءَ نیشنل اسٹیڈیم کراچی ءَ لیئب کنگ بیت۔اے درگت ءَ گورنر عمران اسماعیل ءَ وش اتکی مراگش ءَ گوں تران کنان ءَ گوشت کہ ووین رچرڈ سن مئے مزن وزیر عمران خان ءِ فین انت ،آہاں گوشت کہ احسان مانی ءَ را خراج تحسین پیش کنگ اوں۔
