مہمند۔15مارچ(اے پی پی) مزن وزیر عمران خان ءَ گشتگ کہ خیبر پختونخوا ءَ نظام جوڑ بوہگءَ پد قبائلی دمگاں ہم دیمروئی ءُ وشھالی کیئت، سیلءُ سواد ءُ روزگار ءِ موہ ودی بنت، اے دمگانی دیمروئی ءِ سرءَ ہاسیں دلگوشی دیئگ بیت۔ جمعہ ءِ روچءَ غلنئی ءَ قبائلی سروکاں گوں تران کتگءُ مزن وزیر عمران خان ءَ گشتگ کہ من حیال کتگ بوتگ کہ اے دمگ کدیءُ چوں دیمروئی کنت، مرچی اے وہد اَتکگ کہ قبائلی دمگاں دیمروئیءِ بندات کنگ بہ بیت۔ اِدءَ وانگءُ زانگ ءُ دیمروئی بیت۔ آئیءَ گشتگ کہ خیبر پختونخوا ءَ سیلءُ سواد ءِ سوبءَ پنچ سالاں نیزگاری کم بوتگ۔مزن وزیر ءَ قبائلی سروکاں گوں گشتگ کہ شمے شورءُ صلہ ءَ چہ اے دمگءَ را دیمروئی دیئگ بیت۔آئیءَ گشتگ کہ جانءُ سلامتی کارڈ یک مزنیں نعمت اِت لھس مھلوک ءُ نیزگاریں ہمک مردم ءَ را 7لکھ 20ہزار کلدارءِ کارڈ پھجارینگ بیت کہ آئی ءِ سوبءَ آ کجام ہم نادراہ جاہ وتی علاجءَ کُت کنت۔ آئیءَ گشتگ کہ قبائلی دمگاں جنگءِ سوبءَ مردماں بازیں جیڑہءُ جنجالانی دیمپانی کتگ، نوں وہد اتکگ کہ آہانی جیڑہ ءُ جنجال کم بہ بنتءُ آہاں جانءُ سلامتی ، وانگءُ زانگ ، روزگار ءُ دیمروئی ءِ موہ دیئگ بہ بنت۔
