اسلام آباد۔ 15مارچ(اے پی پی) اسپیکر قومی اسمبلی اسد قیصر نیوزی لینڈ انا مسیت آتے ٹی مروک آ دہشت گرد جلہو آتا سخت انگا لوز آتے ٹی مذمت ءِ کرسا جلہو آتے ٹی نہادی انسانی جان تا نسخان آ ڈکھ و است ہسونی نا درشانی ءِ کرینے۔ جمعہ نادے آ داڑے جاری بیان اٹی اسپیکر پارے کہ پاکستان مشکل وخت اٹی نیوزی لینڈ نا حکومت و الس تون سلوک ءِ۔ اوپارے کہ دہشت گردی نا ہچ ءُ مذہب اس مفک، ہروڑنا دہشت گردی مذمت نا قابل ءِ۔ اوپارے کہ پاکستان نا پارلیمان ڈکھ انا دا ساہت اٹی غمزدہ خاہوت آتا ڈکھ اٹی بریبر نا شریک ءُ۔ پاکستان تینٹ ہم دہشت گردی نا گواچی مسنے و ہروڑنا دہشت گردی نا مذمت ءِ کیک۔ اوٹھپی تا زوت جان جوڑی کن دعا و غمزہ خاہوت آتون یکجہتی نا درشانی ءِ کرے۔
