اسلام آباد۔ 13 مارچ (اے پی پی) مزن وزیر عمران خان ءَ گوں اقتصادی کمکی گل (ای سی او) ءِ سیکرٹری جنرل ڈاکٹر ہادی لیلمان پور ءَ چار شمبے ءَ ادا گند ءُُ نند کت ایشی ءِ تہ ءَ آئی ءَ مزن وزیر ءَ را ای سی او ءِ چست ءُُ ایر آنی بابت ءَ گوشت ءُُ دمگی ءُُ چاگردی روگ ءُُ آیگ آنی دیمروئی، تجارت ءَ را آزات جوڑ کنگ ءُُ یک ءِ دومیگ ءِ گوما دراج بُریں یکوئی ءِ واستہ ایشی ءِ ارزشت آناں سہرا کت۔ ای سی او ءِ سیکرٹری جنرل ءِ ایش اسلام آباد ءِ اولی تر ءُُ تاب انت۔ آئی ءَ ای سی او ءِ کار پڑ ءَ را گیش ودینگ ءِ رد ءَ وتی ھیالانی درشان گوں مزن وزیر ءَ کت آئی ءَ اے گند ءُُ نند کنگ ءِ موہ دیگ ءِ سر ءَ مزن وزیر ءِ ھاسیں شگر ءُُ منت واری درشان ات۔ اے موہ ءِ سر ءَ ممبر ملک آنی نیام ءَ وانگ ءُُ زانگ ءِ پڑ ءَ کمک ءُُ دود ءُُ ربیدگی ڈل آنی روگ ءُُ آیگ آنی وسیلگ ءَ در جتگیں کامیاتی ءُُ جتا جتائیں شوبگ آنی تہ ءَ ارزشتی ایں منوگری آنی تران کت۔ مزن وزیر ءَ ای سی او ءِ کرد ءَ را ساڑات ءُُ گل ءِ استیں چیلنج آنی بابت ءَ ھیال ریچی کنان ءَ سیکرٹری جنرل ءَ را وتی حکومت ءِ نیمگ ءَ جوانیں کمکی ءِ دل یکیمی دات۔ آئی ءَ اے امیت سہرا کت کہ ڈاکٹر ہاسی ءِ سروکی ءَ گل وتی مول ءُُ مراد ءُُ سیم سر آں زوت در جنت۔ آئی ءَ سیکرٹری جنرل ءِ ایجنڈا آنی واستہ نیکیں واھگ آنی درشان ھم کت۔ ڈاکٹر ہادی اسلام آباد ءِ سئے روچی تر ءُُ تاب ءَ انت۔
