اسلام آباد۔13مارچ(اے پی پی) حال ءُ احیوالکاری ءُ شنگکاری ءِ بنجاہی وزیر چوہدری فواد حسینءَ گشتگ کہ خیبر پختونخوا ءَ ہوار سرجمیں ملک ءِ ورناہ آں عمران خان ءَ را سوبمند کتگءُ 21کرن ءِ آشوبءِ بن اِشت ایر کتگ، مزن وزیر عمران خان ءِ سروکی ءَ پاکستان تحریک انصاف ءِ نامدارءُ وش نام بوہگءَ چہ مسلم لیگ ن ءُ پیپلز پارٹی پریشا ن اَنت ءُ عمران خانءِ حلافءَ پندل سازگ ءَ اَنت، اے دوئیں تنظیم آ ں وتی وہدءَ کرپشن کتگ، مزن وزیر عمران خانءِ نواز شریف ءُ آصف علی زرداری ءَ گوں ذاتی جنگ ، کستءُ کینگ نیست۔ آ چارشمبےءِ روچءَ پی این سی اے ءَ پی ٹی آئی خیبر پختونخوا یوتھ ونگ ءِ کنونشن ءَ گوں تران کنگءَ بوتگ۔ حال ءُ احیوالکاری ءُ شنگکاری ءِ بنجاہی وزیر چوہدری فواد حسینءَ را خیبر پختونخوا ءِ ورناہ آں ’’ بیسٹ ڈیفنڈر ایوارڈ ’’پیش کتگ۔ بنجاہی وزیر چوہدری فواد حسین ءَ گشتگ کہ 1970ءَ ذوالفقار علی بھٹو ءَ پہ اُلسی آشوب ءَ پیپلز پارٹی ءِ بن اِشت ایر کتگ بوتگ ءُ 2018ءَ سرجمیں ملک ءِ ورناہ آں عمران خانءَ را سوبمند کتگءُ 21می کرن ءِ اُلسی آشوبءِ بن اِشت ایر کتگ۔
