اسلام آباد۔ 13 مارچ (اے پی پی) بنجاھی وزیر ریل گاڑی شیخ رشید احمد ءَ گوں اقتصادی کمکی گل ءِ سیکرٹری جنرل ڈاکٹر ہادی سلمان پور ءَ آئی ءِ کارگس ءَ گند ءُُ نند کت۔ گند ءُُ نند ءَ سلام آباد، تہران، استنبول (آئی ٹی آئی) کنٹیینر ٹرین برجائی ءِ سر ءَ گپ ءُُ تران کنگ بوت ءُُ سئیں ملک آنی نیام ءَ روگ ءُُ آیگ ءِ کنگ ءِ سر ءَ تپاک کنگ بوت۔ شیخ رشید احمد ءَ گوشت کہ پاکستان ، ترکی، ایران ءُُ سینٹرل ایشیائی ملک آنی نیام ءَ ریل گاڑی نیٹ ورک ءَ را گیش ودینگ ءِ سر ءَ اسی سی او گل کمک بہ کنت۔ میاں اوستمانی شریکداری ءَ چہ پاکستان ریل گاڑی ءِ محکمہ آیوکیں پنچ سال آنی تہ ءَ یکبر ءَ مٹ بیت۔ استیں سپیڈ ءَ را ڈبل کنگ بیت۔ منصوبگ آناں زوت سرجم کنگ ءِ پد ءَ ای سی او کمک کنت۔ پڑ ءِ دیمروئی ریل نیٹ ورک ءَ را گیش کنگ ءِ تہ ءَ انت۔ سیکرٹری جنرل ایس سی او ءَ سرجمیں کمک کنگ ءِ سر ءَ دل یکیمی کت ءُُ گوشت کہ مالی شریکداری ءِ واستہ ای سی او دیمروئی بنک ءَ چہ سیت رورگ بوت کنت۔ پاکستان ای سی او ءِ بنیاتی باسک انت ءُُ ارزشتی ایں شریکدار انت۔
