اسلام آباد۔ 13 مارچ (اے پی پی) بنجاھی وزیر برائے انفارمیشن ٹیکنالوجی کمیونیکیشن خالد مقبول صدیقی ءَ گوں گوگل ٹیمب ءَ گند ءُُ نند کت۔ گند ءُُ نند ءِ ساھت ءَ سوشل میڈیا، ای کامرس، ڈیجیٹل ھیل کاری ءُُ ڈیجیٹل پئے ءِ جیڈھ آنی سر ءَ ھیال ریچی کنگ بوت۔ گوگل ٹیمب ءَ ھال دات کہ گوگل پاکستان ءَ ’’گوگل پے سروس‘‘ ءِ بنگیج کنگ لوٹ ایت۔ آئی ءَ گیش گوشت کہ آ پاکستان ءَ ’’بنیاتی ڈیجیٹل ھیل کاری سر ءُُ سوجی پروگرام‘‘ بنگیج کنت انت۔ بنجاھی وزیر ءَ گوگل ءَ را ساڑات ءُُ گوگل ءِ ’’گوگل پے سروس‘‘ ءُُ ’’بنیاتی ڈیجیٹل ھیل کاری پروگرام‘‘ آنی واستہ وتی وزارت ءِ سرجمیں کمک کنگ ءِ دل یکیمی دات۔
