اسلام آباد۔ 13مارچ(اے پی پی) دفترخارجہ بھارت نا کنڈآن پاکستانی صحافی تے ویزہ جاری کپننگ آ است ہسونی نا درشانی ءِ کرینے ہرا اینو (14مارچ آ) اٹاری، بھارت اٹی کرتار پور راہداری آ اڈ ہلوک آ دیوان نا کوریج کننگ نا خواہندار ئسر۔ ترجمان دفترخارجہ ڈاکٹر محمد فیصل چارشنبے نادے آ تینا اسہ ٹویٹ اسے ٹی پارے کہ دا ہیت است ہسونی نا ءِ کہ بھارت کرتار پور دیوان کن پاکستانی صحافی تے ویزہ تتو۔ ترجمان یات ترفے کہ پاکستان تدوک آ سال کرتار پور راہداری نا بنداو نا دود انا کوریج کن 30 بھارتی صحافی تے ویزہ جاری کریسس۔ اوپارے کہ بھارتی صحافیک پاکستان اٹی اڈکننگ اٹ وزیراعظم عمران خان تون اوڑدہی کریر و وزیر خارجہ شاہ محمود قریشی اوفتا شرف اٹ اِرغ اس تس۔ ترجمان اومیت ظاہر کرے کہ پاکستان و بھارت نا نیام اٹ اینو(پنچ شنبے) نا دے آ مروک آ دیوان ہڑتوم آ ملک آتا الس نا گچینی کن بدلی نا حامل مریک۔
