اسلام آباد۔ 13مارچ(اے پی پی) صدر مملکت ڈاکٹر عارف علوی پارینے کہ ادب و فنون لطیفہ ءِ تالان کننگ حکومت نا اولیت آتے ٹی اوار ءِ، ادب راج اٹی امن و ہم گرنچی ودی کننگ نا اہم ءُ ذریعہ اسے، نجی و سرکاری ادارہ غاتے تین پہ تینی کمکاری آن ادب و فنون لطیفہ نا کمک اٹ پاکستانی راج انا مثبت پلو آتا بایدے عکاسی ءِ کننگے۔ اوداہیت ءِ چارشنبے نادے آ پروین شاکر ٹرسٹ نا چیئرپرسن پروین قادر آغا نا سرکڑدہ ہی ٹی اوڑدہی کروک آ ڈل اتون گپ و تران کرسا پارے۔ صدر پارے کہ پروین شاکر شہرہ آفاق ءُ شاعرہ اس ئسک۔ اردو ادب اٹی اونا بے مٹ خذمت آک ءُ۔ صدر پارے کہ پروین شاکر تینا شاعری آن زالکار ءِ پوسکن ءُ توار اس تس و تینا کلام اٹی زالبول ءِ مون تروک ویل آتے تالان کرے۔ اوپارے کہ پروین شاکر ٹرسٹ اونا یات ءِ ننا است آتے ٹی زندہ تخانے۔ داٹرسٹ پوسکن آ چین اٹی اردو ادب ءِ مون آ دننگ اٹ بھلو خذمت اس انجام تننگ ءِ۔
