اسلام آباد۔ 13مارچ (اے پی پی) سیکرٹری خارجہ تہمینہ جنجوعہ تون سیکرٹری جنرل اقتصادی کمکار تنظیم (ای سی او) ہادی سلیمان پور چارشنبے نادے آ داڑے وزارت خارجہ ٹی اوڑدہی کرے۔ ترجمان دفتر خارجہ نا کنڈآن جاری ٹویٹ نا رداٹ اوڑدہی ٹی تین پہ تینی است خواہی نا معاملہ غاتیا شرہ کننگا۔ سیکرٹری جنرل پاکستان نا چاردے ئی سرکاری دورہ غاٹی ءِ و تدوک آ سال اگست اٹی سیکرٹری جنرل نا زمواری تے سنبھالنگ آن پد اونا پاکستان نا اولیکو دورہ ءِ۔ پاکستان اٹی اڈ کننگ اٹی او صدر مملکت عارف علوی و وزیراعظم عمران خان و وزیر خارجہ شاہ محمود قریشی تون اوڑدہی کیک۔ بڑزکو کمامدارآتون اوڑدہی تیٹی ای سی او باسک ملک آتا نیام اٹ دودوربیدگی کمکاری، انفراسٹرکچر شونداری ایجنڈا، علاقائی رابطہ و ٹریڈ لبرلائزیشن نا بابت معاملہ غاتیا شرہ مس۔ سیکرٹری جنرل ہادی سلیمان وزیراعظم نا سلاہکار واپار، ٹیکسٹائل و صنعت و چیئرمین زرکاری بورڈ تون ہم اوڑدہی کیک۔
