اسلام آباد۔ 13مارچ (اے پی پی) وزیراعظم نا خصوصی کمکار سمندر پار پاکستانیز ذوالفقار بخاری پارینے کہ پاکستان شونداری نا کسر آ روان ءِ ، ننے داسہ اومیت نا دامن ءِ ہلوئی مریک و ملک اٹی وڈی خوری ءِ توروئی مریک۔ داخیال آتا درشانی ءِ او چارشنبے نادے آ لیڈرز ان اسلام آباد بزنس سمٹ کانفرنس آن تران کرسا کرے۔ اوپارے کہ پاکستان شونداری نا کسر آ روان ءِ۔ اوپارے کہ قائداعظم آن پد عمران خان ہی اسہ لیڈر ءِ ہرا صادق امین نا وڑاٹ مون آ بسنے۔ اوپارے کہ ننے داسہ اومیت نا دامن ءِ ہلوئی مریک و ملک اٹی وڈی خوری ءِ توروئی مریک۔ ننے ادارہ غاتے ٹی شفافیت اتوئی ءِ و میرٹ نا کلچر ءِ مون آ دروئی ءِ۔ اوپارے کہ وڈی خوری معیشت آن بیدس راج اکن ہم خراب ءِ ، ننے سمجھوئی مریک کہ وڈی خوری ننا راج ءِ خورک کننگ ءِ۔ ننے ادارہ غاتے ٹی اصلاحات اتوئی مریک۔ اوپارے کہ پی ٹی آئی نا حکومت اوورسیز پاکستانی تے موقع تس کہ او ملک اکن کاریم کیر، نن ڈیجیٹل بینک جوڑ کننگ اُن ہراکان خلقت کانودی وڑاٹ پیسہ غاتے گدریفرہ۔ اوپارے کہ وزیراعظم نا غاو پورٹل پاکستان نا ورناک جوڑ کرینو، نن تون بے پناہ ٹیلنٹ ارے۔
