اسلام آباد۔ 13مارچ(اے پی پی) وزیر خزانہ اسد عمر پارینے کہ پاکستان اٹی زرکاری نا بھلو وارخواہی اس ارے ، غٹ ڈیٹا ہاؤسز ایف بی آر، نادرا و ایلو تعلقدار ادارہ غاتا نیام اٹ رابطہ غاتے سوگو کرسا خراج محصولات آتے پین مون آ دننگک، برآمدی بشخ ءِ ہراآسراتی تے تننگانے اوفتا اثر آک داسہ بننگ نا بناءِ کرینو، بے نامی ٹرانزیکشن ءِ توننگ نا کانود 2017ء ٹی جوڑ کننگاسس ولے اونا نفاذ نا قاعدہ غاتے جوڑ کننگتو۔ داخیال آتا درشانی ءِ او لیڈرز ان اسلام آباد بزنس سمٹ آن تران کرسا کرے۔ وزیرخزانہ اسد عمر پارے کہ غٹ ڈیٹا ہاؤسز ایف بی آر، نادرا و ایلو تعلقدار ادارہ غاتا نیام اٹ رابطہ غاتے سوگو کرسا خراج محصولات آتے پین مون آ دننگک۔ اوپارے کہ برآمدی بشخءِ ہراآسراتی تے تننگانے اوفتا اثرآک ہم داسہ بننگ نا بناءِ کرینو۔ اوپارے کہ بے نامی ٹرانزیکشن آتے توننگ نا کانود 2017ء ٹی جوڑ کننگاسس ولے اونا نفاذ نا قوائد آتے جوڑ کننگ تو ہرادے آن کانود جوڑ مسنے ہمودے آن دا نافذ العمل ءِ۔ اسد عمر پارے کہ آئی ایم ایف تون مذاکرات نا نتیجہ غاک زوت مون آ بریرہ۔
