اسلام آباد۔12مارچ(اے پی پی) پاک بحریہ ءِ سروک ایڈمرل ظفر محمود عباسی ءَ نیول ہیڈکوارٹر ءَ درچک کشتگ ءُ بہار درچک کشگی مہم ءِ بُنگیج کتگ ۔ پاک بحریہ ءِ جارچین ءِ گشگءِ ردءَ سے شمبے ءِ روچءَ پاک بحریہ ءِ سروک ایڈمرل ظفر محمود عباسی ءَ نیول ہیڈکوارٹر ءِ پیژگاہ ءَ نہالے کشتگ ءُ بہار ءِ درچک کشگی مہم ءِ بُنگیج کتگ۔ اے موہءَ ہاسیں دعا لوٹگ بوتگ۔ پاک بحریہ ءِ سروک ایڈمرل ءَ وتی گوستگیں روچءَ کلوہ ءَ گشتگ کہ بہارءِ موسم ءِ درچک کشگی مہم قدرت ءَ گوں ہمگرنچ بوہگءِ جوانیں موہ اِت۔ آئیءَ گشتگ کہ چاگردءَ را ساپ ءُ صلہ کنگءَ وتی کردءَ پیلو کنگءُ پاکستان حکومت ءِ گامگیجانی روژناہیءَ ’’ پہ پاکستانءَ درچک بہ کش اِت‘‘ ءِ پاک بحریہ ءَ گوستگیں سے سالاں تیاب دپءَ 40لکھ درچک کشتگ ءُ سرجمیں پاکستان ءَ استیں پاک بحریہ ءِ یونٹ آں 7لکھ درچک کشگ بوتگ، اے دودءَ را برجاہ داشتگءُ پاکستان بحریہ ءَ درچک کشگی مہم 2019ءِ بنداتءَ کنگءَ اَنت۔
