اسلام آباد۔ 12 مارچ (اے پی پی) پاکستان ءُُ ترکمانستان ءَ تاپی گیس پائپ لائن ءِ منوگری آنی سر ءَ دست چنگل جت۔ منوگری آنی سر ءَ سیکرٹری پٹرولیم اسد حیاء الدین ءُُ ایمینوفود سی ای او تاپی پائپ لائن کارپوریشن لمیٹڈ ءَ دست چنگل جت۔ اے موہ ءِ سر ءَ بنجاھی وزیر وزیر پٹرولیم غلام سرور خان ءُُ وزیر ءِ درئی کار ترکمانستان راشد میریدوف ھم ساڑی ات۔ غلام سرور خان ءَ اے منوگری ءَ را تاپی راجدپترے مستریں ءُُ ارزشتی ایں منوگری انت۔ آئی ءَ گوشت کہ حکومت اے منوگری آنی سر ءَ ترندی ءِ گوما سرجم کنگ لوٹ ایت ءُُ اے بوت کنت کہ اے سال پاکستان ءَ تاپی ءِ جوڑیشت ءِ سر ءَ کار بندات بیت۔ ترکمانستان ءِ وزیر ءِ درئی کار ءَ حکومت ءِ تاپی گیس پائپ لائن ءَ واھشت آناں ساڑات ءُُ گوشت کہ آئی ءَ را امیت انت کہ تاپی پائپ لائن وھد ءُُ موہ ءِ سر ءَ سرجم کنگ بیت۔ ترکمانستان ءِ وزیر ءِ درئی کار ءَ پکو کت کہ آئی ءِ حکومت ترکمانستان ءُُ پاکستان ءِ نیام ءَ اوگانستان ءِ کشک، ترانسپورٹ ءُُ انرجی راہداری جوڑ کنگ ءَ واھگ دار ایت۔ ایشی ءَ ابید ھمے کشک ءَ آپٹک فائبر نیٹ ورک ھم جوڑ کنگ بیت ایش چین ءَ تاں سر کنگ بیت، تاپی گیس پائپ لائن ءِ بنگیج ترکمانستان ءَ گل کنیش گیس فیلڈ ءَ چہ بیت۔
