اسلام آباد۔ 12مارچ(اے پی پی) اقتصادی کمکار نا تنظیم (ای سی او) نا سیکرٹری جنرل ڈاکٹر ہادی سلیمان پور سے شنبے نادے آن پاکستان نا مسہ دے ئی دورہ ءِ بناکننگ ءِ۔ وزارت خارجہ نا کنڈآن داڑے برجابیان نا رداٹ ای سی او نا سیکرٹری جنرل نا عہدہ ءِ سنبھالنگ آن پد دا اونا پاکستان نا اولیکو دورہ ءِ۔ تینا پاکستان نا دورہ ٹی او صدر مملکت ڈاکٹر عارف علوی، وزیراعظم عمران خان ، و وزیر خارجہ شاہ محمود قریشی تون اوڑدہی کیک۔ وزیر اطلاعات و نشریات ، وزیر خزانہ ، وزیر ڈٹ بندی و وزیر مواصلات تون اوڑدہی تیٹی او ای سی او نا بابت امور بشمول تنظیم نا باسک ملک آتا نیام اٹ کمکاری، بنداوی پنجر نا شونداری نا ایجنڈا، علاقائی رابطہ غاتے ٹی ودکی و باسک ملک آتا نیام اٹ واپار اٹی آسراتی تننگ نا بابت معاملہ غاتیا گپ و تران کیک۔ او وزیراعظم نا سلاہکار واپار عبدالرزاق داؤد و چیئرمین زرکاری بورڈ اتون ہم اوڑدہی کیک۔
