حکومت نیزگاری نا چٹفنگ و معیشت نا گچینی کن الس دوست پالیسی جوڑ کننگ ءِ، ملک اٹی اقتصادی سرجزآتے مون آ دننگ کن پبی گام گیج کننگ انگ ءِ
اسلام آباد۔ 12 مارچ(اے پی پی) گورنر اسٹیٹ بینک آف پاکستان طارق باجوہ پارینے کہ نیزگاری نا چٹفنگ و معیشت نا گچینی کن حکومت الس دوست پالیسی جوڑ کننگ ءِ۔ سے شنبے نادے آ تینا اسہ انٹرویو اسے ٹی اوپارے کہ حکومت نا سمت درست ءِ و ملک اٹی اقتصادی سرجزآتے مون آ دننگ کن پبی گام گیج کننگ انگ ءِ۔ اوپارے کہ وزیراعظم عمران خان نا سرکڑدہ ہی ٹی حکومت معیشت نا مون آ دننگ کن سخت خواری کننگ ءِ۔ گورنر اسٹیٹ بینک کم کٹیا کروک بندغ آتے کن ہاؤسنگ اسکیم نا ڈٹ انا ستاءِ کرے وپارے کہ داٹی کم کٹیا کروک تپہ خاص کر سرکاری ملازم آتے تینا دیرینہ تغ انا تعبیر ءِ گڈیکو دروشم اس تننگ اٹ کمک ملک۔
