اسلام آباد۔ 12مارچ(اے پی پی) خصوصی کمکار و ترجمان وزیراعظم ندیم افضل چن پارینے کہ لُٹ و پل کروک آ قومی دولت ءِ پدی اتنگ کن جوڈیشل سسٹم اٹی اصلاحات نا گرج ءِ۔ سے شنبے نادے آ جاری بیان اٹی ندیم افضل چن پارے کہ ملک اٹی بے پرخ احتساب نا عمل برجاءِ، لٹ و پل کروک آتیان قومی دولت ءِ پدی اتنگ ءِ ممکن کننگ انگ ءِ دا چرجوئی ٹی جوڈیشل سسٹم اٹی اصلاحات نا گرج ءِ ۔ قومی دولت ءِ لٹ وپل کروک آ ک اخس کہ مرضی ءِ تا واتوڑ کیر احتساب ہر حال اٹ مریک۔ اوپارے کہ ننا سلہہ بند فوج بھارتی جارحیت نا پبی ورندیءِ ترسا مچ آ قوم انا کاٹم ءِ گمر اٹ بڑز کرینو۔ ندیم افضل چن پارے کہ حکومت پلوامہ جلہو نا جاست وپاست کن تیار ءِ ولے مودی سرکار دا معاملہ غا سنجیدگی نشان تننگ نا جاگہ غا اودے سیاسی فائدہ غاتے کن کاریم اٹ اتنگ ءِ۔ اوپارے کہ کالعدم تنظیم تا برخلاف آپریشنل نیشنل ایکشن پلان نا بشخ اسے۔ تحریک انصاف نا منشور نا رداٹ بے روزگاری نا چٹفنگ کن گام گیج کننگ اُن۔
