حکومت راجی و اقتصادی جوڑ جاڑ و شونداری نا ایجنڈا غا عمل کننگ ءِ، پاکستان ڈیہہ ٹی امن نا خواہندار ءِ ، ہنداسوب ءِ کہ بھارتی جارحیت آن پد ہم وزیراعظم عمران خان جوزہ خیر سگالی نار داٹ دزگیر بھارتی پائلٹ ءِ بھارت نا دوٹی تس
اسلام آباد۔ 12 مارچ(اے پی پی) وزیر خارجہ شاہ محمود قریشی پارینے کہ ننا حکومت راجی و اقتصادی جوڑ جاڑ و شونداری نا ایجنڈا غا عمل کننگ اٹی ءِ، پاکستان ڈیہہ ٹی امن نا خواہندار ءِ ہنداسوب ءِ کہ بھارتی جارحیت آن پد ہم وزیراعظم عمران خان جوزہ خیر سگالی نا رداٹ دزگیر بھارتی پائلٹ ءِ بھارت نا دوٹی تس۔ داخیال آتا درشانی ءِ او سے شنبے نادے آ جرمن وزیر خارجہ ہائیکو ماس تون اوڑدہی ٹی کرے۔ اوجرمن وزیر خارجہ ءِ وزارت خارجہ غا بننگ آ بخیر اٹ پارے۔ اوڑدہی ٹی ہڑتوم آ کنڈآتا تعلقداری ، ڈیہہ ٹی امن و ایمنی نا حالیت و اوغانستان اٹی امن تون اوار چندی معاملہ غاتیا گپ و تران کننگا۔ وزیر خارجہ مخدوم شاہ محمود قریشی پلوامہ واقعہ غان پد بھارت نا کنڈآن دراندازی و اوٹی ڈیہہ ٹی امن و ایمنی نا بے چیٹ حالیت آتیان معلومدار کرے۔ داوخت آ شاہ محمود قریشی پارے کہ ننا حکومت راجی و اقتصادی جوڑ جاڑ وشونداری نا ایجنڈا غا عمل کننگ ءِ۔ پاکستان ڈیہہ ٹی امن نا خواہندار ءِ ہنداسوب ءِ کہ بھارتی جارحیت آن پد ہم وزیراعظم عمران خان جوزہ خیر سگالی نا رداٹ بھارتی پائلٹ ءِ بھارت نا دوٹی تس۔ اوڑدہی ٹی جرمن وزیر خارجہ ہائیکو ماس پارے کہ نن اوغانستان اٹی امن کن پاکستان نا خذمت آتے قدر انا نظر اٹ ہرنہ۔ اوپارے کہ اوغانستان اٹی امن کن پاکستان نا کڑد ستاکڑزک۔ اوہڑتوم آ ملک آتے تینا معاملہ غاتے مذاکرات نا کمک اٹ ایسر کننگ آ زور شاغا۔ داوخت آ ہڑتوم آ وزیر خارجہ غاک ہڑتوم آ کنڈآتا واپاری، اقتصادی و دودوربیدگی کمکاری و زرکاری ءِ مون آ دننگ آ ہم امنا کریر۔
