ناشرکار پد اھاٹیگ زورگ ئِ کوشست ئَ کنگ ئَ کامیات نہ بنت، جنرل قمر جاوید باجوہ
راولپنڈی ۔ 21 جنوری (اے پی پی) چیف آف آرمی سٹاف جنرل قمر جاوید باجوہ ئَ پارا چنار بم تراک ئِ ٹپیگ آنی جوانیں جان سلامتی پُجارینگ ئِ ہدایت کتگئُُ گوشتگ کہ ناشرکار پدا ھاٹیگ زورگ ئِ جھد ئَ کامیات نہ بنت، یک شمبے ئِ روچ ئَ کو ڈائریکٹر جنرل آئی ایس پی آر میجر جنرل آصف غفور ئِ نیمگ ئَ چاگردی یکوئی ئِ ویب سائیٹ ٹوئیٹر ئِ سر ئَ کلوہ ئِ تہ ئَ ٹپیگ آنی جوانیں جان سلامتی پُجارینگ ئِ ہدایت کنان ئَ گوشت کہ ناشرکاری یک بر ئِ پدا ھاٹیگ زورگ ئِ جھد ئَ اِنت آ کامیات نہ بنت، ایشی ئَ ابید آئی ایس پی آر ئَ تسدیک کتگ کہ پارا چنار بمب تراک ئَ 20مردم شہید ئُُ 30ٹیگ بوتگ اَنت۔ ٹپیگ آناں جوانیں جان سلامتی پُجارینگ بوھگ ئَ اِنت آواناں آرمی ئِ ھیلی کاپٹر ئِ وسیلگ ءسی ایم ایچ ئُُ لیڈی ریڈنگ ہسپتال پشاور ئَ روان دیگ بوتگ۔ آرمی ئُُ فرنٹیئر کور ریلیف ئُُ ریسکیو آپریشنز ئَ دست گٹ اَنت۔
