اسلام آباد ۔ 11 مارچ (اے پی پی) انسانی ھقانی بنجاہی وزیر ڈاکٹر شیریں مزاری ءِ گوما پاکستان ءِ تہ میاں اوستمانی کمیٹی برائے ریڈ کراس ءِ سروک ریٹو اسٹاکر ءَ ڈلے گوما دوشمبے ءَ ادا اسلام آباد ءِ تہ گند ءُُ نند کتگ۔گند ءُُ نند ءِ تہ انسانی حقانی رکھگ ءِ ھوار درملکاں قید پاکستانی شہریاں را دیم جیڈھا ءُُ آہانی حقانی رکھگ ءِ ھوالہ لہتیں معاملہانی سرا چار ءُُ تپاس کنگ بوتگ۔اے موہ ءِ سرا ڈاکٹر شیریں مزاری ءَ بھارت ءِ تہ قید بے ڈوھئیں پاکستانی بندیگ شاکر اللہ ءِ سر لٹ ءُُ کُٹ ءُُ قتل ءُُ کوش ءِ سرا تکانسری ءِ درشان کنان ءَ ریڈ کراس ءِ ڈلے سروک ءِ دلگوشی داتگ ءُُُ گوشت کہ بھارت ءِ تہ ریاستی سرپرستی ءِ تہ پاکستانی قیدی ءَ را لٹ ءُُ کٹ ءِ پدا کشگ بوتگ جوکہ اپسوزءِ گپ انت۔آہاں گوشت کہ میاں اوستمانی کمیٹی برایے ریڈ کراس ءِ ڈلءِ سروک ریٹو اسٹاکر ءِ سرا زور مان کتگ کہ درملکاں قید پاکستانی شہریاں را دیم جنجالانی حل ءِ ھاترا گامگیج زورگ بنت۔ پاکستان ءِ تہ میاں اوستمانی کمیٹی برائے ریڈ کراس ءِ ڈل ءِ سروک ءَ انسانی ھقانی رکھگ ءِ ھاترا پاکستان ھاسکر انسانی ھقانی کارگس ءِ کوشست ءَ را ساڑاتگ ءُُ اے ھوالہ ءَ وتی کمک ءِ سدکی داتگ۔
