اسلام آباد ۔ 11 مارچ (اے پی پی) مزن وزیر عمران خان ءَ تیل ءُُ گیس ءِ پولگ ءَ گوں سیادی داروکیں ھندی کمپنیاں را پولگ ءِ درگت ءَ کوشست ترند کنگ ءِ کڈنی داتگ وھدیکہ پاکستان ءِ تہ ساڑی تیل ءُُ گیس ءِ وسیلگ ءِ پولگ ءِ ھاترا نامداریں کمپنیاںءَ را ترغیب دیگ ءِ ھاترا درملکاں چہ روڈ شو کنائینگ ءِ پیسلہ کتگ۔مزن وزیر عمران خان ءَ دوشمبے ءَ پیٹرولیم ءِ تک ءِ باروا معاملہانی سرا دیوان ءِ سروکی کنگ ات۔دیوان ءِ تہ ھزانگ ءِ وزیر اسد عمر،پیٹرولیم ءِ وزیر غلام سرور خان،ھاسیں کمکار افتخار درانی،سیکرٹری پیٹرولیم ءُُ پیٹرولیم ڈویژن ءُُ وزارت ءِ مزنیں افسراں بھرزوری کتگ۔دیوان ءِ تہ ملک ءِ تہ تیل ءُُ گیس ءِ مڈی ءِ ھاترا استیں کانودءُُ انتظامی گہترکاری ءِ سر ا چارءُُ تپاس کتگ۔مزن وزیر ءَ تیل ءُُ گیس ءِ پولگ ءَ گوں سیادی داروکیں ھندی کمپنی ءَ را پولگ ءِ کوشست ترند کنگ ءِ کڈنی داتگ۔آہاں پیٹرولیم ڈویژن ءَ را تیل ءُُ گیس ءِ مڈی پولوکیں درملکی کمپنی ءَ را دراھیں آسراتی پھجارگ ءِ کڈنی ھم داتگ ۔اے ھوالہ ءَ مزن وزیر ءَ را سرپد کنگ بوتگ کہ تیل ءُُ گیس ءِ کوھانی ڈویلپمنٹ ءِ کار ءِ تہ کمپنیانی منظوری ءِ عمل ءِ درضلوری بندش چہ آجو کنان ءَ وزارت ءِ کرد ءَ را مانیٹرنگ ءِ تاں متحد کتگ۔ پاکستان ءِ تہ کار کنوکیں تیل ءُُ گیس ءِ تک ءَ گوں سیادی داروکیں درملکی کمپنی ءَ را سرجمیں سیکیورٹی پھجارگ بیت۔دیوان ءِ تہ ملک ءِ سیکیورٹی ءِ استیں گہتریں جاورھال ءَ گوں ھوار تیل ءُُ گیس کمپنیاں را گیش سیکیورٹی پھجارگ ءِ ھاترا ھاسیں ٹاسک فورس ہڈ دیگ ءِ پیسلہ کتگ۔ پاکستان ءِ تہ استیں تیل ءُُ گیس ءِ مڈی ءِ پولگ ءِ ھاترا نامداریں درملکی کمپنی ءَ را ترغیب دیگ ءِ ھاترا در ملکاں روڈ شوز کنائینگ ءِ پیلسہ ھم کنگ بوتگ۔دیوان ءِ ساعت ءَ تیل ءُُ گیس ءِ پولگ ءِ ھاترا فرنٹیئر زون ءِ ہڈ ءُُ کمپنیاں را گیس ءِ شریں کیمت دیگ ءِ ھوالہ ءَ ھم سرجمیں گپ ءُُ تران کنگ بوتگ۔مزن وزیر ءَ کڈنی داتگ کہ تیل ءُُ گیس پولگ ءِ ھاترا زوت نوکین کانود زوتاں زوت یکجاھیں نپ ءُُ سیت کونسل ءِ تہ پیش کنگ بیت تنکہ ایشی ءَ را گڈی دروشم دیگ بیت۔دیوان ءِ تہ گیس ءِ دُزی ءُُ زیان ءِ گرودار ءِ ھاترا سوئی ناردرن ءُُ سوئی سدرن ءِ نیمگا چہ لاحہ عمل ءِ چارءُُ تپاس گرگ بوتگ۔
