اسلام آباد ۔ 11 مارچ (اے پی پی) ھزانگ ءِ بنجاہی وزیر اسد عمرءَ گوشت کہ ملک ءِ تہ کارپوریٹ سیکٹر ءَ را نوکتر جوڈ کنگ ءِ ھاترا کوشست برجاھ انت ءُُ اے مکسد ءِ ھاترا کارپوریٹ کانودانی تہ گہتری آرگ بوھگ انت۔ کارپوریٹ گورننس ءِ معیارءِ تہ باز ودکی بوتگ ایشی ءِ پجار ترقی یافتہ ملکانی تہ ھم کنگ بوتگ۔ کابینہ ءَ کثیرالجہتی پروکیورمنٹ ضابطہ آنی تہ بدلی ءِ منظوری داتگ،بھارت ءَ را فنانشل ایکشن ٹاسک فورس ءِ کوچیئرشپ ءَ چہ درکنگ ءِ پاکستان ءِ لوٹ راستیں ءُُ کانودی انت۔آہاں اتے گپ دوشمبے ءَ ادا میاں اوستمانی بینک ءِ نیمگا چہ پاکستان ءِ کارپوریٹ سیکٹر ءِ تہ گڈگورننس ءِ معیارءُُ راھبندانی سرا وڈ ءُُ پیم ءِ ھوالہ چہ رپورٹ ءِ برجاہی ءِ مراگش ءِ گوما گشتانک ءُُ میڈیا ءَ گوں گپ ءُُ تران کنان ءَ کتگ۔اے موہ ءِ سرا ھزانگ ءِ بنجاہی وزیر اسد عمر ءَ گوشت کہ ورلڈ بنک ءِ چار ءُُ تپاسی رپورٹ ءِ آسرملک ءِ تہ زرکاری ءِ پراھی ،کیپیٹل مارکیٹ ءِ گہبودیءُُ پبلک سیکٹر کمپنیانی تہ گہتری آرگ ءِ ھاترا حکومت ءِ گہترکاری ءِ مراگش ءِ تہ کمکار بیت۔ ورلڈ بینک ءِ رپورٹ ءِ تہ کمپنیانی تہ گہترکاری ءِ ترجیع،ساپ ءُُ پلگاری ءُُ معلومداریءِ پھجارگ،شریدارانی حقوق،بورڈ آف ڈائریکٹرز ءُُ پبلک کمپنیانی چار ءُُ تپاس ھوار انت۔آہاں گوشت کہ ملک ءِ تہ کارپوریٹ سیکٹر ءَ را نوکتریں جوڈ کنگ ءِ ھاترا کوشست برجاہ انت ءُُ اے مکسد ءِ ھاترا کارپوریٹ کانود ءِ تہ گہتری آرگ بوھگ انت۔ھزانگ وزیر ءَ گوشت کہ سیکیورٹیز اینڈ ایکسچینج کمیشن آف پاکستان ءُُ پاکستان سٹاک مارکیٹ ءِ ھوار ریگولیٹری ادارگہاں را اے رنگیں گامگیج ءَ را سدکی جوڈ کنگ بیت کہ ایشی چہ کمپنیانی پیداوارءُُ ایشی ءِ آسر ءَ ملکی معیشت ءِ تہ گیشی ممکن بیت۔ھزانگ وزیرءَ گوشت کہ حکومت ءَ سرکاری تک ءِ ادارگہانی کارکردگی ءِ تہ گہتری آرگ ءِ سرا دلگوشی ایر کتگ انت۔کارپوریٹ سیکٹر ءِ ھاترا بنیاتی آپریٹنگ ءِ طریقہ کارءِ تہ بدلی آرگ الم انت۔پرچاکہ اے دروشم ءِ تہ مہ لوٹیں ٹارگٹ ءَ زرت کنیں۔آہاں گوشت کہ جندی ادارگہانی برعکس سرکاری ادارگہانی تہ بہازورگ ءِ کار گران انت، کابینہ ءَ کثیرالجہتی پروکیورمنٹ ضابطہ ءِ تہ بدلی ءِ منظوری داتگ انت۔بنجاہی وزیر ءَ کمپنیاں را باضابطہ جوڈ کنگ ءِ ارزشت ءَ راھم دیما آرتگ،مہ لوٹگ اوں کہ کارپوریٹائیزیشن ءِ مد ءَ گیشاں چہ گیش کمپنیاں را آرگ بیت۔ءُُ ایشانی تہ لہتیں لسٹڈ کمپنی جوڈ بنت۔لسٹڈ کمپنی کیپٹل مارکیٹ چہ ھم نپ ءُُ پائدگ چست کت کن انت۔پدا میڈیا ءَ گوں گپ ءُُ تران کنان ءَ ھزانگ وزیر اسد عمر ءَ گوشت کہ بھارت ءَ را فنانشل ایکشن ٹاسک فورس ءِ چیئرشپ ءَ چہ دور دیگ ءِ پاکستانی لوٹ راست ءُُ کانودی انت۔آہاں گوشت کہ بھارت ءِ سیاستدان پاکستان ءِ ہلاپ ءَ گشتانک کنگ انت ۔بھارت پاکستان ءَ را بلیک لسٹ ءِ تہ ھوار کنگ لوٹگ انت ءُُ اے مکسد ءِ ھاترا بھارت لہتیں کمپنیانی وسیلگ ءَ لابنگ کنگ انت۔آہان گوشت کہ پاکستان ءِ تحفظات کانودی انت پرچا کہ فنانشل ایکشن ٹاسک فورس ءِ تہ بھارت پاکستان ءِ ھلاپ ءَ لابنگ کنگ انت۔یک جستے پسو ءَ آہاں گوشت کہ فنانشل ایکشن ٹاسک فورس یک میاں اوستمانی گل انت ۔ایس ای سی پی ءِ چئیرمین فرخ سبز واری ءَ وتی تران ءَ گوشت کہ پاکستان ءِ کارپوریٹ سیکٹر ءِ تہ گڈ گورننس ءَ را گہتر جوڈ کنگ ءِ ھاترا ریگولیٹری فریم ورک ءِ تہ باز گہتری آرگ بوتگ۔آہاں گوشت کہ ورلڈ بینک ءُُ میاں اوستمانی کمیونٹی ءِ نیمگا چہ پاکستان ءِ تہ کارپوریٹ گورننس ءِ سرا تسلہ ءِ درشان کتگ۔
ایس ای سی پی گڈ گورننس ءِ ھاترا وتی کوشستاں ءُُ گہترکاری ءِ مراگش ءَ را برجاہ دارایت۔میاں اوستمانی رپورٹ ءِ تہ گوشگ بوتگ کہ حکومت ءَ پاکستان ءِ تہ کارپوریٹ گورننس ءَ را گہتر کنگ ءِ ھاترا ریگولیشنز ءِ تہ گہتری ءِ باز گامگیج زوراتگ انت۔ھزانگ وزیر ءَ گوشت کہ پاکستان ءِ تہ کمپنی آنی شیئرہولڈر انی بنیاتی حق رکھتگ انت ءُُ کمپنیز ایکٹ 2017 ءِ نافذ العمل بوھگ ءِ پدا ایشی ءِ تہ گیش گہتری اتکگ انت۔اے وڈ ءَ نوکیں کانود ءِ تہ بورڈ آف ڈائریکٹر ءِ فرضءُُ زمہ واریانی نشان گہتر ءِ وڈ ءَ کنگ بوتگ۔
