اسلام آباد ۔ 11 مارچ (اے پی پی) حکومت ای او بی آئی پنشنرز ءِ پنشن 15 ہزار کلدار ءِ تاں برگ بیت ایشی ءِ ھاترا گامگیج زورگ بوھگ انت۔ اے گپ مزن وزیر عمران خان ءِ ھاسیں کمکار برائے اوورسیز پاکستانیز سید ذوالفقار بخاری ءَ ’’اے پی پی‘‘ ءِ گوما گپ ءُُ تران کنان ءَ گوشتگ ات۔ آہاں گوشت کہ آہانی وزارت جہلی ادارگہانی میان ءَ محاذ آرائی ءُُ جیڈھانی سرا گرودار ءِ ھاترا لہتیں گام گیج زورگ بوھگ انت، ای او بی آئی ءِ ھرچانی سرا گرودار ءُُ فنڈز ءَ را حقی ءِ جاھ ءَ کارمرز کنگ ءِ ھاترا ھم حکمت عملی جوڈ کنگ بوھگ انت۔آہاں گوشت کہ دیمیں لہتیں ماہ ءِ تہ ادارگہانی تہ مالی کرپشن ءِ گرودار ءُُ ساپ ءُُ پلگاری ءِ ھاترا ھاسیں بدلی آرگ بنت۔ھاسیں کمکار ءَ گوشت کہ اگدھ سمبھالگ ءِ زوت پدا آہاں مزن وزیر چہ ای او بی آئی پنشنرز ءِ پنشن ءِ تہ ودکی ءِ ھاترا دزبندی کتگ ہمہ کہ 5250کلدار ات ایشی ءِ پدا آہانی پنشن 20درسد ودکی کنگ بوتگ۔آہاں گوشت کہ گوست ءَ ای او بی آئی سروکانی نیمگا چہ کرپشن ءُُ واکانی ردیں کارمرزی ءِ ھوالہ چہ وائٹ پیپر جاڑی کنگ ءِ ھم جار جتگ۔
