اسلام آباد ۔ 11 مارچ (اے پی پی) دولت مشترکہ ءِ روچ ءِ درگت ءَ پاکستان انسٹی ٹیوٹ فار پارلیمنٹری اسٹڈیز ءِ نیمگا چہ سیمینار ءِ برجم دارگ بوتگ۔ سیمینار ءِ تہ بنجاہی وزیر برائے انٹراپراونشل کوارڈینیشن ڈاکٹر فہمیدہ مرزا ءَ ھاسیں مہمان ءِ بستار ءَ بھر زوراتگ۔اے موہ ءِ سرا مراگش ءَ گوں تران کنان ءَ بنجاہی وزیر ءَ گوشت کہ پاکستان انسٹی ٹیوٹ فار پارلیمنٹری اسٹڈیز ءِ بنیات مہ باز پیسر ءَ ایر کتگ ات۔مروچی اے ادارگ ءَ را کار کنان ءَ چارگ پکر ءِ سبب انت۔آہاں پپس ءَ را دولت مشترکہ ءِ روچ ءِ ھوالہ چہ سیمینار ءِ سوبمندیں برجمداری ءِ سرا مراد بات داتگ۔آہاں گوشت کہ دولت مشترکہ 2.4ارب ءِ آباتی ءَ ھوار یک اے رنگیں ھاندان انت کہ ایشی ءَ ایشیا ،افریقہ ءِ ھوار دگنیا ءِ گیشتر ملکانی نماھندگی ھوار انت۔ سی پی اے ءِ مکسد دولت مشترکہ ءِ تہ ھوار ملکانی میان ءَ کمک ءَ را ودکی دیگ انت۔اے درگت ءَ آہاں بھارت ءِ نیمگا چہ پاکستان ءِ گواتی سیمسرءِ ھلاپ ورزی ءِ ایر جنان ءَ گوشت کہ آں کشمیر ءِ تہ بیوکیں زلم ءُُ زوراکی ءُُ انسانی حقانی ھلاپ ورزی ءِ ایر جتگ۔
