لاہور۔10 مارچ(اے پی پی )گور نر پنجاب چوہدری محمدسرور ءِ گوما بنجاہی وزیر دفاع پرویز خٹک ءُُ مزن وزیر ءِ ھاسیں کمکار نعیم الحق ءَ گند ءُُ نند کتگ۔اے موہ ءِ سرگپ ءُُ تران کنان ءَ گورنر پنجاب ءَ گوشت کہ بی جے پی ءَ وتی گچینکاری جنز ءِ تہ بھارتی اُردو ءِ عکسانی نماش کنان ءَ دگنیا ءِ دیما وتی راستیں دیم ءَ بے نقاب کتگ ‘ مقبوضہ کشمیر ءِ تہ بھارتی ریاستی ناشرکاری ءِ سرا انسانی حقانی گلاں ءُُ میاں اوستمانی ادارگہانی ھاموشی ءِ سرا حیران ءُُ پریشان اوں کہ بھارتی ریاستی ناشرکاری ءِ نوٹس گرگ بیت‘دراھیں راج کوھ ءِ وڈ ءَ پاکستان ءِ اُردو ءَ گوں اوشتاتگ انت ، دژمن ءِ ہمک پندل ءِ چکاریں مقابلہ کنگ بیت۔سرجمیں ھالانی ردا یک شمبے ءَ گورنر ہاوس لاہور ءِ تہ بنجاہی وزیر دفاع پرویز خٹک ءُُ مزن وزیر ءِ ھاسیں کمکار نعیم الحق ءِ گورنر پنجاپ ءَ چہ بوتگیں گند ءُُ نند ءِ تہ پاک بھارت جیڈھ ،خطہ ءِ جاورھال ءِ ھوار سیاسی ءُُ حکومتی ءُُ دگہ معاملہانی سرا ھیال ریچی کتگ۔دفاع ءِ بنجاہی وزیر پرویز خٹک ءَ گورنر پنجاپ ءَ را پاک بھارت جیڈھ ءِ ھلاسی ءِ ھاترا چست کتگیں گامگیجانی باروا سرپد کتگ۔ گور نر پنجاب ءَ بھارت ءِ جارحیت ءِ چکاریں پسو دیگ ءِ سرا پاک فوج ءُُ پاک فضائیہ ءَ را خراج تحسین پیش کتگ۔
