اسلام آباد ۔ 10 مارچ (اے پی پی) کشمیر ءُُ گلگت بلتستان ءِ معاملہانی بنجاہی وزیر علی امین گنڈاپور ءَ گوشت کہ گلگت ءِ تہ دل ءِ نادراہی 50بیڈ ءِ نادراھ جاھ ءَ را زوت سرجم کنگ بیت۔آہاں اے گپ این ایل سی ءِ ڈائریکٹر ءِ گوما گپ ءُُ تران کنان ءَ گوشتگ ات۔گند ءُُ نند ءِ تہ دل ءِ نادراہی ءِ نادراھء جاھ ءِ جوڈ ءُُ جاڑی ءِ باروا لہتیں تکنیکی ءُُ مالیاتی معمالہانی سرا گپ ءُُ تران کنگ بوتگ۔بنجاہی وزیر ءَ گوشت کہ گلگت بلتستان ءِ راج ءَ را جان سلامتی ءِ آسراتی پھجارگ ءِ ھوالہ چہ اے نادراھ جاھ ھاس انت۔بنجاہی وزیر ءَ گوشت کہ گلگت بلتستان ءِ تہ جان سلامتی ءِ آسراتی پھجارگ ءِ ھاترا سرجمیں سروے کنگ بوھگ انت۔بنجاہی وزیر ءَ گوشت کہ مزن وزیر عمران خان ءِ وژن ءِ ردا مہلوک ءِ بنیادی آسراتی ءِ پھجارگ حکومت ءِ اولی دلگوشی انت۔
