اسلام آباد۔ 20 جنوری (اے پی پی) وزیر مملکت برائے اھوالکاری ئُُ شنگ کاری ئُُ راجی مڈی مریم اورنگزیب ئَ گوشت کہ دروگیں بھتام ئُُ دروگیں دلیل آنی سر ئَ آمید گس ئَ کیس چلئت نہ کنت، ھلاپ ئِ مردم ھرچی بھتام بست کناں بہ بند آں، مزن وزیر ئَ وتی گشتانک ءتہئَ دروگ نہ بُر اتگ، مسلم لیگ ن ، وتی رھشون ئِ کشک ئَ روگ ئَ دلوشی سما کنت۔ تحریک ئِ انصاف ئَ را کنٹینر ئِ سرئَ اوشتگ ئُُ جاک ئُُ کوکار کنگ ئِ عادت اِت۔ خان صاحب ! مریم نواز مڈادارئیں پت ئِ بانُکیں چُک اِنت، مزن وزیر ئِ نام پانامہ پیپرز ئِ تہئَ نہ اِنت، سپریم کورٹ ئَ اِچ پیٹیشن اے سُہرا کُت نہ کنت کہ آئی بُن پد ئِ سر ئَ مزن وزیر ئَ را سیٹ ئَ ایر گیجگ بہ بیت۔ آدینگ ئِ روچ ئَ وزیر ئِ مملکت مریم اورنگزیب ئِ سپریم کورٹ ئِ ڈن ئَ گشتانک دیان ئَ آئیئَ گوشت کہ مزن وزیر ئِ نام پانامہ پیپرز ئِ تہ ئَ نہ اِنت آئی ئَ پارلیمنٹ یا دگہ اِچ گشتانک ئِ تہ ئَ دروگ نہ بُر اِتگ۔
