موغادیشو ۔ یکم مارچ(اے پی پی) صومالیہ کمیں تراکی چیز آں چہ پُریں گاڑی ءِ ترکگ ءِ سبب ءَ کم چہ کم 15مردم بیران ءُُ 30مردم ٹپیگ بوتگ۔ جندی ٹی وی چینل ءِ ھال آنی رد ءَ تراک دارالحکومت موغادیشو ءِ رشیں سڑکے ءِ سر ءَ بوت، ھمودا کہ بازیں ہوٹل ءُُ ریسٹورنٹ است انت۔ یک پولیس اپسرگ حسین محمد ءِ ھوالگ ءَ گوشگ بوت کہ تراک ءَ چہ یک ماڑی یے ءُُ یک درزنے گاڑی آناں آچ لگ ات۔ موغادیشو ءَ دگہ تراک آنی ھال ھم سر بوتگ۔ ناشرکاری گل القاعدہ ءَ گوں بندوکیں الشباب ناشرکار گروپ ءَ اے اُرش ءِ زمہ واری من اتگ۔
