اسلام آباد۔ 04مئی (اے پی پی ) وزارت ڈٹ بندی و شونتری اینخو مالی سال 2015-16ءنا سرکاری بشخ انا شونداری پروگرام اٹی ہائر ایجوکیشن نا شونداری ڈٹ آتے کن جمی وڑاٹ 14ارب3کروڑ 70لکھ روپئی آن زیات نا فنڈ جاری کرینے۔ حکومت اینخو نا مالی سال اٹی ہائر ایجوکیشن کمیشن نا شونداری ڈٹ آتے کن 19ارب98کروڑ 48لکھ روپئی آن زیات نا فنڈ تخانے۔ پلاننگ کمیشن نا جاری کروک حساب وکتاب نا رداٹ حکومت جامشورو ٹی مہران یونیورسٹی کن 15کروڑ، لاہور اٹی یونیورسٹی آف ہیلتھ اکن 2کروڑ 50لکھ، اسلام آباد اٹی شہید ذوالفقار علی بھٹو میڈیکل کالج کن 20کروڑ، فل برائٹی اسکالر شپ اکن 50کروڑ، پشاور اٹی کشاری یونیورسٹی ٹی باﺅنڈری وال اکن 6کروڑ، راولپنڈی ٹی فاطمہ جناح ویمن یونیورسٹی کن 8کروڑ، 20لکھ، میر پور اٹی کالج یونیورسٹی اپ گریڈیشن کن 15کروڑ، خیبر پختونخوا ٹی یونیورسٹی آف پشاور کن 40کروڑ، یونیورسٹی آف پونچھ اکن 10کروڑ، این ای ڈی یونیورسٹی کراچی کن 13روڈ 69لکھ، یونیورسٹی آف کراچی کن 17کروڑ روپئی تون اوار کیہی شونداری ڈٹ آتے کن فنڈ جاری کرینے۔
