اسلام آباد۔ 20جنوری (اے پی پی) محکمہ موسمیات نا رداٹ بروک آ 24گھنٹہ ٹی ملک انا گیشتر علاقہ غاتیٹی موسم یخ و خشک سلک ولے پنجاب نا میدانی علاقہ و بڑزکو سندھ اٹی سہب انا وخت گوتلو نا گمان ئِ۔ رپورٹ نا رداٹ گدرینگوک آ 24گھنٹہ نا وخت ملک انا گیشتر علاقہ غاتیٹی موسم یخ و خشک سلیس ولے جیوانی ٹی 02ملی میٹر پر ریکارڈ کننگا وخت اس کہ بہاولپور و سرگودھا ڈویژن گوتلو نا پلویڑ اٹی ئسر۔ جمعہ آ ملک انا یخ انگا ہند آتا درجہ حرارت نا رپورٹ نا رداٹ سکردو ٹی درجہ حرارت منفی 13ڈگری سینٹی گریڈ، کالام منفی 10، قلات منفی 09، استور منفی 08، پارہ چنار منفی 07، گوپس ، گلگت ، مالم جبہ منفی 06، راولاکوٹ، دیر ، ہنزہ و بگروٹ اٹی منفی 05ڈگری سینٹی گریڈ ریکارڈ کننگا۔
