پاکستان نا معیشت دے پہ دے گچینی نا کنڈاروان ئِ وخت اس کہ بھارت نا الس نیزگاری نا زند ئِ تدیفنگ آ مجبور ئُ، ڈاکٹر نور فاطمہ

اسلام آباد۔ 20جنوری (اے پی پی) جہانی امور نا چاہندار ڈاکٹر نور فاطمہ پارینے کہ پاکستان نا معیشت دے پہ دے گچینی نا کنڈا روان ئِ وخت اس کہ بھارت نا الس نیزگاری نا زند ئِ تدیفنگ آ مجبور ئُ ۔ ریڈیو پاکستان تون ہیت وگپ کرسا اوپارے کہ پاکستان مسلم لیگ (ن) نا گچین معاشی حکمت عملی نا سوب پاکستان شونداری نا کسرتے ترندی اٹ طے کرسا ہِننگ ئِ ، بلومبرگ و ایلو جہانی تنظیم تا پاننگ ئِ کہ پاکستان نا معیشت اٹی مثبت رجحان نشان تننگ انگ ئِ و بھاز زوت پاکستان معاشی وڑاٹ ڈیہہ ٹی اسہ اہم ئُ ملک اس جوڑ مریک۔ اوپارے کہ جہانی تنظیم تا کنڈآن داوڑنا رپورٹ آتا سوب درملکی زرکارآک پاکستان نا کنڈا متوجہ مننگ ئُ۔ نورفاطمہ مستی پارے کہ چین پاکستان اقتصادی راہداری ڈٹ انا کمک اٹ پاکستان تون اوار ڈیہہ ٹی شونہالی بریک۔ اوہمسایہ ملک انا بدحالی ناذکر ئِ کرسا پارے کہ بھارت نا الس نا گیشتری دادوراٹی ہم نیزگاری نا لکیر آن شیف زند ئِ تدیفنگ آ مجبور ئُ وخت اس کہ پاکستان نا معیشت دے پہ دے گچینی نا کنڈا روان ئِ۔