اسلام آباد۔ 20جنوری (اے پی پی) سینیٹر ساجد طوری پارینے کہ ہیپاٹائٹس نا دوائی تا نرخ آتیٹی کمتی کنگانے۔ ڈرپ اٹی گڑاس خلقت الس آن بیدس جندی فائدہ غاتے اولیت تننگ ئُ۔ جمعہ آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ ہیپاٹائٹس سی انا دوائی تا نرخ آتے ٹی کمتی کنگانے۔ مہالو سوالڈی نا نرخ 28ہزار روپئی ئس ہرادے کم کرسا چار ہزار آ اتنگانے۔ جان ئِ بچفوک آ دوائی تا نرخ آتیٹی پین کمتی کن کوشست جاری ئِ۔ اوپارے کہ ڈرگ ریگولیٹری اتھارٹی ٹی گڑاس خلقت پیشن آن دوائی تے خوائفسا تینا مرضی نا نرخ آتے خلیرہ ، دا بے قاعدگی تے مون آ اتنگک و اوفتا من مانی ئِ چٹفنگ کن گدرینگوک آ اِرا سال آن کوشست کننگ اُن۔
