حکومت مثبت تنقید نا خیرمقدم ئِ کیک، پیپلزپارٹی نا رابطہ مہم آن داڑآ ہچ ئُ زئم اس تمپک، سینیٹر طلحہ محمود

اسلام آباد۔ 20جنوری (اے پی پی) جمعیت علمائے اسلام (ف) نا راہشون سینیٹر طلحہ محمود پارینے کہ اپوزیشن نا کاریم حکومت آ تنقید کننگ نا ئِ ، پیپلزپارٹی نا رابطہ مہم آن حکومت آ ہچ ئُ زئم اس تمپک ۔ جمعہ آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ پی پی پی ہر چار آ صوبہ غاتا نمائندہ جماعت ئِ ، اگہ او الس تون رابطہ مہم اس چلیفنگ ئِ تو جوان ئِ ولے الس نا بنداوی ویل آک ہم بایدے ایسر مریر۔ پی پی پی نا رابطہ مہم آن حکومت آ دباﺅ اس ودک نہ ہی اثر اس۔ اوپارے کہ اپوزیشن جماعت آتا کاریم حکومت آ تنقید کننگ و السی ویل آتے مون آ اتنگ نا ئِ ، داہیت انا ہرگز دا مسخت اف کہ تنقید آن حکومت نزور مریک بلکن حکومت ہم مثبت تنقید نا خیرمقدم ئِ کیک۔