اسلام آباد۔ 19جنوری ( اے پی پی) ڈپٹی چیئر مین سینیٹ مولانا عبدالغفور حیدری ئَ گشتگ انت کہ سی پیک ئِ وجہ ئَ بلوچستان ئَ دیمروی ئُُ وشحالی ئِ یک نوکیں وھد بندات بیت ئُُ صوبہ ئِ اُلس ئِ محرومی آنی ازالہ ممکن بیت۔ اے ھیال آنی درشانی آئی ئَ چین ئِ سفیر وی ڈانگ ئِ گوں پارلیمنٹ گِس ئَ پنچ شمبے ئَ گندئُُ نند ئَ کرتگ۔ ڈپٹی چیئر مین سینیٹ ئَ گشتگ کہ بلوچستان یک پد منتگیں صوبہ انت ئُُ مسئلہ ئِ آماچ انت ئُُ سی پیک ئِ جاور ئَ یک جامع دیمروی کار صوبہ ئِ اُلس ئِ معیار زند ئَ شر جوڑ کنگ ئَ کمک ثابت بیت۔ آئی ئَ گشتگ کہ پاکستان ئَ چین ئِ گوں دوستی ئِ سرا فخر انتئُُ جے یو آئی (ف) ئَ ہر وھد ئَ چین ئِ گوں دو نیمگی کمک ئُُ رابطہ ئِ محکمی ئِ سرا زور داتگ انت ئُُ چین ئَ ہر مشکل وھد ئَ پاکستانئِ گوں کمک کرتگ انت ئُُ میاں استمانی پڑ ئَ ہم دوئیں ملک آنی نیام ئَ مثالی کمک گندگ بیت چوشکہ لہتیں فورمز ئِ سرا یک دومی ئِ نقطہ نظر ئُُ ھاسیں میاں استمانی امور ئِ سرا تپاک رائے گندگ بیت انت۔ ڈپٹی چیئر مین سینیٹ ئَ گشتگ کہ پاکستانچین ئِ گوں دوستی ئَ باز قدر ئِ نگاہ ئَ سیل کنت سی پیک ئِ راہ ئَ مشکل پیداک کنوک میاں استمانی قوت آنی عزم ئَ ھاک ئَ ملائینگ بیت۔ آئی ئَ گشتگ کہ دوئیں ملک آنی دوستی ئُُ دیمروی ئِ اے سفر برجاہ مانیت۔ ڈپٹی چیئر مین سینیٹ ئَ گشتگ کہ بلوچستان ئِ نو در بر آنی ھاترئَ سکالر شپ بہ دئیت تنکہ بلوچستانئِ ورنا نسل چین ئَ وانت بہ کن انت ئُُ چین ئِ دود ئُُ ربیدگ ئُُ زبان ئِ گوں واقفیت گپت بہ کن انت۔ ڈپٹی چیئر مین سینیٹ ئَ چینی سفیر ئَ وتی دور چینئِ باروا ہم آگاہ کرتگ۔ چینی سفیر ئَ ڈپٹی چیئر مین سینیٹ مولانا عبدالغفور حیدری ئِ شکر ئَ گپتگ ئُُ گشتگ کہ چینی سروک پاکستان ئِ گوں وتی دو نیمگی کمک ئَ باز ارزشت دئینت ئُُ سیاسی پڑ ئَ اے سیادی ئَ دِگہ دیما برگ ئِ ضلورت انت۔ آئی ئَ گشتگ کہ پاکستان ئُُ چین ئِ سیادی وھد ے آزمائشت ئِ سرا پورا کیت ئُُ اےشی ئِ ثمر درستیں صوبہ آنی سرا اثر انداز بیت۔ گندئُُ نند ئَ آئی ئَ گشتگ کہ رو برکتی روٹ سی پیک ئِ بہر انت ئُُ ایشی ئِ وجہ ئَ رو برکتی بہر ئَ دیمروی ئُُ وشحالی کیت۔ گند ئُُ نند ئَ یکجا رابطہ ئِ محکمی ئِ ٹولہ آنی ھیال ئُُ لیکھہ ئَ تیزی آر گ ئِ سرا تپاک کرت انت۔
