ڈیووس۔ 19 جنوری (اے پی پی) اقوام متحدہ ئِ سیکرٹری جنرل انتونیو گٹریس ئَ مزن وزیر محمد نواز شریف ئَ دل یکیمی داتگ کہ آ پاکستان ئَ ھوار اے پڑ ئَ ایندگہ ملک آنی جوڑیشت ئِ ھاترا جوانیں کرد ئِ پیلو کنت۔ مزن وزیر ئَ کانگریس سنٹر ئَ میاں اوستمانی اقتصادی فورم ئِ 47چیل ئُُ ھپتمی ھمک سالی مراگش ئِ موہ ئَ اقوام ئِ متحدہ ئِ سیکرٹری جنرل ئِ گوما گند ئُُ نند۔ مزن وزیر ئَ گوشت کہ کشمیر میاں اوستمانی پڑ ئَ منگ بوتگ ئُُ سیکورٹی کونسل ئِ ایجڈا آنی تہ ئَ ھوار بوھگ ئَ اِنت۔ آئی ئَ گوشت کہ دیمروئی ئِ ھاترا جموں کشمیر ئَ ھوار توامیں گیوار پکاریں جیڈھ سول ئُُ تران ئِ وسیلگ ئَ ضلوری اَنت۔ آئیئَ گوشت کہ ھمے جوزگ ئِ چیر دستی ئَ پاکستان ئَ اقوام ئِ متحدہ ئِ سلامتی کونسل ئِ منوگری ئُُ کشمیر ی اُلس ئِ واھشت آنی رد ئَ گیواری ئِ ھاترا بھارت ئَ را گپ ئُُ تران ئِ دعوت داتگ ، بلے بھارت ئَ جوانیں پسو نہ دات۔ مزن وزیر ئَ گوشت کہ آئی ئِ حکومت ئِ اولی ترجی اِنت کہ ھمساھگیں ملک آنی تہ ئَ ایمنی بہ بیت۔ ما وتی پڑ ئِ تہ ئَ دراج بُریں ایمنی ، سلامتی ئُُ اقتصادی کمک ئِ ھاترا جاور آناں سارت کنگ لوٹ آں۔ ایش زرباری ایشیا ئِ اُلس ئِ نپ ئِ ھاترا اَنت۔ آئی ئَ گوشت کہ ما پھم آں کہ اے پڑ ئَ گہبود ئُُ اقتصادی دیمروئی ئُُ وشھالی ئَ اُلس بہ بیت ئُُ آوانی جیڈھ گیوار بہ با ئُُ یک ئِ دومی ئِ کمک کنوک بہ باں۔مزن وزیر ئَ گوشت کہ بھارت سول ئُپ تران ئَ چہ تچگ ئَ اِنت آ پیسر ئَ چہ جاور آناں گیش ھراب کنگ ئِ جھد ئَ اِنت، ھرابیں ھال آنی شنگ کنگ ئَ چہ جاور آناں گیش ھراب کنگ ئَ اِنت ئُُ کشمیری اُلس ئِ جائزیں وت واجئی ئِ گوانک ئَ را چیر تلینگ ئِ جھد ئَ اِنت۔ مزن وزیر ئَ گوشت کہ سلامتی کونسل ئِ منوگری ئَ کشمیری اُلس ئَ را یک آزاتیں، تچکیں ، رائے شماری ئِ موہ دیگ بوت پدا ھم اے سوگند ئَ را انوگ ئَ تاں سرجم کنگ نہ بوتگ۔
