کراچی ئَ جوانیں ایمنی ئَ را مھکم دارگ بیت، جنرل قمر جاوید باجوہ
راولپنڈی۔ 19 جنوری (اے پی پی) پاک فوج ئِ سربراہ جنرل قمر جاوید باجوہ ئَ کراچی ئَ ایمنی ئَ را برجا کنگ ئِ ھاترا سیکورٹی ادارگ آناں داد پیش کنان ئَ گوشت کہ کراچی ئَ مھکمیں ایمنی ئَ ساڑی دارگ ئِ ھاترا جہد جاڑی دارگ بنت۔ آ پنچ شمبے ئِ روچ ئَ کراچی ئِ تر ئُُ تاب ئِ ساھت ئَ گشتانک دیان اَت۔ پاک اُرد ئِ (آئی ایس پی آر) ئِ رد ئَ پاک اُرد ئِ سربراہ جنرل ق،ر جاوید باجوہ ئَ کراچی ئِ تر ئُُ تاب ئِ ساھت ئَ شہید بوتگیں مردم آنی یاتگیری ئِ ھاترا پُل آنی چادر چیر گیتک۔ آرمی چیف ئَ را رینجرز ہیڈ کوارٹر ئَ سرجمیں بریفنگ دیگ بوت۔ آرمی چیف ئَ کراچی ئِ جاور آل آنی بابت ئَ رینجر ئُُ کانود ئَ را مھکم داروکیں ادارگ آنی آپریشن ئِ توسیپ کُت۔ آئی ئَ گوشت کہ ھمیشی ئِ سبب ئَ، ٹارگٹ کلنگ ئُُ آوار جنگ ئِ کیس آنی تہ ئَ بازیں کساس ئَ کمیگ اتکگ۔ آرمی چیف ئَ گوشت کہ شہر ئِ ایمنی ئَ را برجا دارگ ئِ ھاترا آیوکیں وھد ئَ ھم جہد مھکم دارگ بنت۔ آرمی ریاستی ادارگ ئِ بستار ئَ وتی ڈیوٹی ئَ پیلو کنت ئُُ کراچی آپریشن ئَ حکومتی ادارگ ھاسیں رنگ ئَ سندھ پولیس ئُُ ھندی اُلس انتظامی ئِ گوما کمک ئَ جاڑی دار ایت۔
