اسلام آباد۔ 19جنوری( اے پی پی) بنجاہی وزیر دیمروی ئُُ منصوبہ بندی پروفیسر احسن اقبال ئَ گشتگ انت کہ بنجاہی جبزگ ئُُ سرجمیں تپاک ئِ گوں سی پیک منصوبہ ئَ سرسوب جوڑ بہ کن انت، سی پیک مئے راج ئُُ آﺅکیں نسل آنی منصوبہ انت، زوت چین ئِ برزیں پڑی ٹولہ پاکستانئِ تر ئُُ تاب کنت۔ اے ھیال آنی درشانی آئی ئَ پنچ شمبے ئَ ادا ھواریں کمک کمیٹی ( جے سی سی ) ئِ چار ئُُ تپاس گرگ ئَ پد میڈیا ئِ گوں گپ ئُُ تران کنگ ئَ کرتگ۔ بنجاہی وزیر احسن اقبال ئَ گشتگ کہ درستیں منصوبہ آں انڈسٹریل زونز جوڑ کنگ ئِ ھاتر ئَ جاگہ ئِ ایر کنگ ئِ ھاتر ئَ گشتگ انت۔ آئی ئَ گشتگ کہ سوشل میڈیا ئِ ذریعہ ئَ سی پیک ئِ ھوالہ ئَ بے بنیات گپ تالان کرت انت ئُُ گلط فہمی پیداک کنگ ئِ کوشست کرت انت پدا ہم سی پیک ئِ ھلاپ سازشت کنوک ہر فورم ئَ نا کار بئینت۔ بنجاہی وزیر ئَ گشتگ کہ چین ئِ سروکی پاکستانئَ صنعت ئِ دیمروی لوٹ انت۔ سی پیک منصوبہ ئِ سرا پاکستانئِ صنعت تیزیئَ کار کنگئَ انت۔ آئی ئَ گشتگ کہ 2018ئَ مئے معیشت ئِ پیداوار 6درصڈ بیت۔ آئی ئَ گشتگ کہ 2018ئَ راجی گرڈ ئَ 11ہزار میگاواٹ توان سسٹم ئَ ھوار بیت آئی ئَ توانائی ئِ بحران ھلاس بیت۔ آئی ئَ گشتگ کہ سی پیک ئِ ردا چین پاکستانئَ صنعت جنئگ ئَ انت، چینئَ لیبر مہنگی انت ئُُ پیداوار ئُُ ھرچ ئُُ درچ ئَ اضافہ بوتگ انت۔ پاکستان ئَ صنعت جنئگ چین وتی پیداواری ھرچ ئُُ درچ کمکنت۔ آئی ئَ گشتگ کہ پاکستانئَ چین ئِ چنکس ہم منصوبہ چلگ ئَ انت آھانی نیمگئَ چہ زیات پاکستانی انجینئرز ئُُ مزدور کار کنگ ئَ انت۔ وتی منصوبہ ئَ ھستیں وھدئَ سرجم کنگ ئِ ھاتر ئَ چینی انجینئرز ئُُ ورکرز شپ ئُُ روچ کار کنگئَ دست گٹ انت۔ آئی ئَ گشتگ کہ اقتصادی راہداری منصوبہ درستیں خطہ ئِ ھاتر ئَ گیم چینجر انت، اے موہ ءَ سر وزیر خیبر پختونخوا پرویز خٹک ئَ گشتگ کہ سی پیک منصوبہ ئِ سرا چینئِ تر ئُُ تاب ئِ ھاتر ئَ بنجاہی حکومتئِ شکر گزار انت۔ آئی ئَ گشتگ کہ مارچ ئَ بیجنگ ئِ تر ئُُ تاب کنگ ئَ منصوبہ ئِ ھوالہ ئَ کار سرجم کن انت۔
