اسلام آباد۔ 19جنوری ( اے پی پی) بنجاہی وزیر خزانہ سینیٹر اسحاق ڈار ئِ گوں ورلڈ بینک ئَ پاکستان ئِ ایگزیکٹو ڈائریکٹر ناصر محمود کھوسہ ئَ گند ئُُ نند کرتگ ئُُ آھاں میاں استمانی بینک ئِ پاکستان ئِ لہتیں پروگرام ئُُ منصوبہ آں فنانسنگ ئِ باروا بریفنگ داتگ۔ پنچ شمبے ئَ ادا بوﺅکیں گند ئُُ نند ئَ آئی ئَ بنجاہی وزیر ئَ میاں استمانی بینک ئِ نوکیں چیف ایگزیکٹو آفیسر ئِ مجوزہ تر ئُُ تاب ئِ باروا گشتگ کہ آ 26ئَ تاں 28جنوری پاکستان ئِ تر ئُُ تاب کنت۔ اے آئی ئِ میاں استمانی بینک ئِ چیف ایگزیکٹو آفیسر ئِ جہت ئَ تقرری ئَ پد یک باسک ملک ئِ اولی تر ئُُ تاب بیت۔ اے موہ ئَ وزیر خزانہ ئَ میاں استمانی بینک ئِ نوکیں چیف ایگزیکٹو آفیسر ئِ مجوزہ تر ئُُ تاب پاکستانئِ خیر مقدم کنگ ئَ گشتگ انتکہ ماں میاں استمانی بینک ئِ نیمگ ئَ میکرو اکنامک محکمی ئُُ اقتصادی دیمروی ئَ کمک ئَ سہڑائینیت ئُُ باندات ئَ میاں استمانی بینک ئِ گوں دیمروی شریداری ئَ دِگہ سوگو جوڑ کنگ ئِ واہشت داریت۔ آئی ئَ ایگزیکٹو دائریکٹر ئَ پنت ئُُ شون کرتگ کہ آ پاکستان ئِ نیمگ ئَ میاں استمانی بینک ئَ پالیسی ئُُ باندات ئِ منصوبہ آنی باروا کرد ئَ یقینی جوڑ کنت۔
