اسلام آباد۔ 19جنوری ( اے پی پی) وزیر مملکت برائے اطلاعات ئُُ نشریات مریم اورنگزیب ئَ گشتگ انت کہ حکومت ئَ دود ئُُ ربیدگ ئِ دیمروی ئِ ھاتر ئَ کلچر پالیسی ئِ سرجمیں مسودہ جوڑ کرتگ انت۔ اولی وار آرٹسٹ فنڈ جوڑ کنگ بیت آئیئَ ھق دار فنکار آں مالی کمک بہ رسیت۔ پنچ شمبے ئَ ایوان بالا ئِ مراگش ئَ وقفہ جست آنی وھد ئَ سینیٹر شبلی فراز، طلحہ محمود ئُ لیفٹیننٹ جنرل (ر) عبدالقیوم ئِ جست آنی پسو ئَ آئیئَ گشتگ کہ کلچر پالیسی ئَ آھری شکل دئیگِئِ ھاترئَ مزن وزیر ئَ عطاءالحق قاسمی ئِ سروکیئَ یک کمیٹی جوڑ کرتگ انت۔ کمیٹی ئِ بازیں مراگش بوتگ انت صوبہ آنی مشورگ ہم ایشی ئَ ھوار انت، امیت انت کہ کمیٹی زوت وتی سفارشت ئَ آھری شکل دنت۔ اے پالیسی مئے دود ئُُ ربیدگی اقدار ئِ حقیقی وڑ ئَ عکاسی کنت۔ آئیئَ گشتگ کہ نوکیں کلچر پالیسیئِ ردا اودا دومی گام گیج تجویز کنگ ئَ انت، یک آرٹس فنڈ ہم جوڑ کنگئِ تجویز انت آئیئِ ذریعہئَ نا دراہی ئُُ یک دومی ضلورت ئِ جاور ئَ فنکار آنی مالی کمک کرت کن انت۔ آئی ئَ گشتگ کہ انچیں پالیسیئَ دمگی پڑ ئَ دود ئُُ ربیدگی اقدار ئِ دیمروی ئَ کمک بہ رسیت۔
