اسلام آباد۔ 19جنوری ( اے پی پی) بنجاہی وزیر سیفران لیفٹیننٹ جنرل (ر) عبدالقادر بلوچ ئَ گشتگ انتکہ فاٹا ئِ دمگ ئَ دیمروی ئِ ھاتر ئَ گام گیج کنگ ئَ انت، فڈ ئَ دِگہ زیات کنگ بیت۔ پنچ شمبے ئَ ایوان بالا ئِ مراگش ئَ وقفہ جست آنی وھدءَ سینیٹر اعظم سواتی، نزہت صادق، طاہر حسین مشہدی، احمد حسن، تاج حیدر ئُُ جہانزیب جمالدینی ئِ جست ئِ پسو ئَ بنجاہی وزیر ریاستیں ئُُ سیم سری دمگ لیفٹیننٹ جنرل (ر) عبدالقادر بلوچ ئَ ایوان ئَ گشتگ کہ 2015-16ئَ فاٹا ئَ دیمروی منصوبہ آنی ھاتر ئَ 18ارب 62کروڑ کلدار ئَ چہ زیات ایر کرتگ آئی ئَ چہ 17ارب92کروڑ 40لکھ کلدار ھرچ کرت انت۔ فاٹا ئَ ملک ئِ دومی دمگ آنی بروبر آڑگ ئِ ھاتر ئَ دِگہ فنڈ ہم برجاہ کنگ بیت۔ آئی ئَ گشتگ کہ فاٹا سیکرٹریٹ فاٹا ئَ ورناآنی ھاترئَ موہ زیات کنگ ئِ ھاترئَ محنت کنگ ئَ انت، آئیئَ گشتگ کہ 2016-17ئَ فاٹا ئِ سالانہ دیمروی پروگرام ئِ ھاتر ئَ 20ارب 58کروڑ 70لکھ کلدار ایر کرتگ انت آئیئَ چہ تنے وھدے ہشت ارب 23کروڑ 48لکھ کلدار برجاہ کرتگ انت، اے زر کل ایر کرتگیں زر ئِ 40درصد جوڑ بیت انت۔
