ڈیووس۔ 19 جنوری (اے پی پی) مزن وزیر محمد نواز شریف ئَ گوشت کہ پاکستان نوں جوانیں دیمروئی ئِ کشک ئَ رھادگ اِنت ئُُ بزنس ئِ واستہ تیار اِنت، سرمایہ کار ساپ ئُُ سلہ ایں موسم ئِ سبب ئَ دلگوش ئَ پاکستان ئِ نیمگ ئَ کنگ ئَ اَنت اِچ سرمایہ کار اے جوانیں موہ ئَ یل کُت نہ کنت، پاکستان دُگنیا ئِ کاروبار ئِ وستہ جوانیں منزل ا،ت۔ آ گوستگیں روچ ئَ میاں اوستمانی فورم ئِ 47چی ئُُ ھپتمی دیوان ئِ موہ ئَ ابراج گروپ ئِ نیمگ ئَ چہ داتگیں شپ ئِ شام ئِ وھد گشتانک دیان ئَ اَت ۔ آئی ئَ گوشت کہ دگنیا ئِ گیشتریں کاروباری مردم اے مراگش ئِ تہ ئَ بھر زور اَنت۔ مزن وزیر ئَ گوشت کہ سرڈگاری رنگ ئَ انوگ ئَ تاں پاکستان سیاسی رنگ ئَ مھکم اِنت، ایش دُگنیا ئِ ششمی مستیریںآباتی اِنت ، ایشی ئِ 8کروڑ آباتی آپ ئُُ لاپیں مردم آنیگ اِنت ئُُ اللہ تعالیٰ ئَ ایشرا بنی آدم ئُُ کدرتی دولت ئَ چہ مالا مال کتگ، آئیئَ کاروباری مردم آناں دعوت دیان ئَ گوشت کہ آئیئِ حکومت پاکستان ئَ کانود ئِ پاگواجئی ئِ سر ئَ کار کنگ ئَ اِنت، ایشی ئَ ھوار ادارگ آناں گیش مھکم ئُُ جمہوری رنگ ئَ جوڑ کنگ ئَ اِنت۔ آئی ئَ گوشت کہ میاں اوستمانی فورمئَ بھر زورگ ئِ موہ ئَ شاہ پگر ، پالیشی جوڑ کنوک ئُُ بزنس لیڈر آں گوں گند ئُُ نند ئِ جوانیں برورد ، اُلس ئِ باندات ئِ اکس اَنت۔
