اسلام آباد ۔ 3 فروری (اے پی پی)مزن وزیر عمران خان ءِ سروکی ءَ پنجاب حکومت ءِ انتظامی ءُُ مالی استعداد کار گیش کنگ ءِ ھاترا دیوان لاہور ءَ برجم بوتگ ،سر وزیر عثمان بزدار ،بنجاہی وزیرھالرسانی فواد حسین ، وزیر اورسیز پاکستانیز سید ذولفقار بخاری ، جان سلامتی ءِ وزیرڈاکٹر عامر کیانی ، ھاسیں کمکار نعیم الحق، پنجاب ءِ سینئر وزیر علیم خان ، وزیر زراعت ملک نعمان لنگڑیال، وزیر ھزانگ مخدوم ہاشم جوان بخت ، وزیر ہاؤسنگ میاں محمود الرشید، وزیر آبپاشی محمّد محسن لنگڑیال، وزیر صنعت میاں محمّد اسلم اقبال ءُُ لہتیں محکمانی سینئر افسراں بہر زوراتگ۔یک شمبے ءَ مزن وزیر کارگِس چہ جاڑی بیان ءِ ردا دیوان ءِ تہ معاشی دیمروئی ءِ زورگ ءِ ھاترا ٹیکنالوجی ،سرمایہ کاری ءُُ ہیومن ریسورس ءِ کارمرز کنگ ءِ صلاح ءِ سرا چار ءُُ تپاس کنگ بوتگ۔ ماہر معاشیات ڈاکٹر سلمان شاہ ءَ دیوان ءَ را سرجمیں بریفنگ داتگ۔دیوان ءِ تہ زراعت ،صنعت ،ھاٹیگ،انفرااسٹرکچر ءُُ ہنرمندہیومن ریسورس ءَ را پراھی دیگ ءِ ھاترا گامگیج ءِ سرا چار ءُُ تپاس کتگ۔ بریفنگءِ ساعت ءَ سرپد کنگ بوتگ کہ پنجاب ءِ تہ کشت ءُُ کشاری ءُُ صنعتی پیداوار ءِ تہ مصنوعات ءِ تنوع ءِ ضلورت انت۔دیوان ءِ تہ پنجاب ءِ 50 شہر ءُُ 36 ضلعہانی دیمروئی ءِ ھاترا پلان ءِ سرا بریفنگ دیگ بوتگ ءُُ اے گپے سرا زور دیگ بوتگ کہ کم چہ کم 15 شہراں را معاشی بنجل قرار دیگ بوتگ۔مزن وزیر عمران خان ءَ گوشت کہ مہلوک ءِ فلاح ءُُ بہبود ءِ ھاترا انتظامی کوکا ءِ نوکی ءَ جوڈ کنگ ءِ ضلورت انت۔مزن وزیر ءَ پنجاب ءِ ہمگرنچیں حکمت عملی ءِ منظوری داتگ ءُُ گوشت کہ بنجاہی حکومت اے درگت ءَ ہر ممکن کمک فراہم کن ایت۔
