اسلام آباد۔4فروری (اے پی پی ) راجی جانءُ سلامتی ءُ ازمتءِ بنجاہی وزیر ڈاکٹر عامر کیانی ءِ پریس کانفرنسءَ گوں تران کتگءُ گشتگ کہ جان ءُ سلامتی انصاف کارڈءِ اولی بھرءِ بندات کنگ بوتگ۔ ہرچ حاندانءَ را کہ اے کارڈ دیئگ بیت آ علاج ءِ آسراتی ءِ ھاترءَ 7لکھ 20ہزار کلدارءِ انشورنس حاصل بیت۔ دوشمبے ءِ روچءَ پریس انفارمیشن ڈیپارٹمنٹ ( پی آئی ڈی ) ء پریس کانفرنسءَ گوں تران کنانءَ آئیءَ گشتگ کہ 2020ءِ گڑسرءَ جانءُ سلامتی انصاف کار سرجمیں ملک ءَ شنگ کنگ بیت۔ آئیءَ گشتگ کہ جانءُ سلامتی انصاف کارڈ ءَ دل ءِ برءُ برین، سٹنٹس،چک ءُ مات، ایمرجنسی ءُ درائیں نادراہی آنی علاج بوت کنت۔ آئی ءَ گشتگ کہ پاکستانءَ اولی رندءَ نیزگاریں مردماناں جانءُ سلامتی ءِ آسراتی دیئگ بوتگ۔ آئیءَ گشتگ کہ ہمک حاندان ءَ 18سال ءَ چہ کم اُمبرءِ مردم ب فارم ءِ وسیلگءَ چہ زھگاں علاج کت کن اَنت۔ بنجاہی وزیر ءَ گشتگ کہ جانءُ سلامتی کارڈ ءِ ھاترءَڈالر۔1، ڈالر۔2 اور ڈالر۔3 کیٹیگری جوڑ کنگ بوتگ۔ یک جستے ءِ پسوءَ آئیءَ گشتگ کہ جانءُ سلامتی کارڈ ءِ ھاترءَ انشورنس کمپنی ءَ را 800ملین کلدار جاری کنگ بوتگ اَنت۔ یک دگہ جستے ءِ پسوءَ آئی ءَ گشتگ کہ ورکنگ کلاس، صحافی، وکیل ءُ دگہ مردماں جانءُ سلامتی کارڈ جاری کنگ بنت وہدے کہ ہما مردم کہ آہانی پگار 75ہزار ءَ چہ ڈیڑھ لکھ کلدار ءِ نیامءَ اِنت، آہاں ہم کارڈ دیئگ بیت کہ پریمیئم ءِ کم زر آ وت ادا کن اَنت۔
