اسلام آباد۔ 19جنوری (اے پی پی) گلگت بلتستان نا وزیر فداخان پارینے کہ چین پاکستان اقتصادی راہداری ڈٹ مچ آ صوبہ ٹی سیل و سوات ئِ مون آ دننگ رسینگک۔ ریڈیو پاکستان ئِ تروک آ خصوصی انٹرویو ٹی او پارے کہ چین نا خصوصی ڈل ساڑی ہی ٹی گلگت بلتستان نا دورہ ئِ کرینے ہراٹی مچ آ صوبہ ٹی سیل و سوات نا مون آ دننگ کن اواری اٹ کاریم کننگ نا عزم انا درشانی ئِ کننگانے ۔ فداخان مستی پارے کہ چین پاکستان اقتصادی راہداری ڈٹ انا رداٹ گلگت چترال ایکسپریس وے نا جوڑ جاڑ کننگک ہرانا پوروی آن سیل و سوات تون اوار اوار روزگار نا وارخواہی ودی مریک و علاقہ ٹی شونہالی بریک۔ وزیر سیل و سوات پارے کہ گلگت بلتستان نا حکومت سیل و سواتی تے تینا کنڈا متوجہ کننگ راکاپوشی، رام، و فیری نا ہند آ چیئرلفٹ خلنگ نا ڈٹ جوڑ کننگ ئِ ہرا سیل و سواتی تا است خواہی ٹی ودکی نا سوب جوڑ مریک۔
