اسلام آباد۔ 19جنوری (اے پی پی) پاکستان افرادی واک انا بابت دنیا نا 6میکو بھلا معیشت ئِ ہرانا 60درسد آبادی 25سال آن کم افرادی واک آ تالان ئِ۔ پنی اقتصادی جاچکار ڈاکٹر سلمان شاہ تینا رپورٹ اٹی پارے کہ پاکستان اٹی بے روزگاری نا چٹفنگ کن سالانہ 2.5آن 3ملین روزگار نا وارخواہی ودی کننگ نا گرج ئِ۔ اوپارے کہ افرادی واک ئِ روزگار فراوان کننگ کن قومی معیشت ئِ دوہرے ہندسہ ٹی شونداری دوئی کروئی مریک ۔ اوپارے کہ قومی معیشت نا پائیدار و ترند تر شونداری کن قومی وسیلہ غاتیان پبی فائدہ ہرفنگ نا گرج ئِ۔ ڈاکٹر سلمان شاہ پارے کہ قومی معیشت نا شونداری نا بابت قابل قدر وسیلہ دستیاب ئِ ولے دا وسیلہ غاتیان پبی فائدہ ہرفنگ نا گرج ئِ ہراڑآن معاشی شونداری نا ہدف آتا دوئی و بے روزگاری نا چٹفنگ اٹی کمک دوئی کننگ مریک۔
